MATIU 16
16
Waʼa nto Parisi mamperapi i Yesu mantuju tanda ngkuasa
16:1-4
(Mrk. 8:11-13, Luk. 12:54-56)
1 #
Mat. 12:38, Luk. 11:16 Reʼe bara tesangkuja to Parisi pai to Saduki rata ri Yesu tinako ndayanya da mantolia Sira. Naperapi ntau seʼe da naka i Yesu mantujuka tau seʼe sambaʼa tanda ngkuasa anu ungka ri Pue Ala. 2Mesono i Yesu ndatoʼo, [“Ane da soyomo reme, nditoʼo, ‘Madago penaa ndeme, maka mawaa bembei yangi.’ 3Pai ane mowuro-wuro, da nditoʼo, ‘Ri eo seʼi da uja, maka yangi mawaa pai moʼu-moʼu.’ Mewali, ndikoto mampepontuka katedikanaka ndaoa ua mampeole potaʼa yangi, paikanya waʼa mpetondoni ntempo bareʼe ndikoto mampepontuka.”] 4#Mat. 12:39, Luk. 11:29 “Ara maʼai ngkajaʼasa pai baleparusa waʼa ntau tuwu salapi seʼi. Komi merapi da Kutujuka tanda ngkuasa. Bareʼe da ndawaika komi mau sangaya tanda ngkuasa, banya mantoʼo tanda ngkuasa i Nabi Yona.”
Roo mompau ewanceʼe malai i Pue, ndapalaika tau seʼe.
Ragi waʼa nto Parisi pai Saduki
16:5-12
(Mrk. 8:14-21)
5Powote anagurua ri sambote ndano, nakalingani ntau seʼe mangkeni roti. 6#Luk. 12:1 Ndatoʼo i Yesu ri tau seʼe, “Da ndisoro-soro pai da ndijaga-jaga kojo ragi nto Parisi pai to Saduki.”
7Madonge pompau i Yesu ewanceʼe, napombetoʼoka ntau seʼe, natoʼo, “Ua takalingani mangkeni roti pai ndapantoʼo ewanceʼe.”
8Ndaincani i Yesu anu napombetoʼoka ntau seʼe, ndatoʼo, “Makuja komi mampombetoʼoka kabareʼenya ndikeni roti, ee komi tau kodi peaya ndayami! 9#Mat. 14:17-21 Ara bareʼepa ndirata ndaya, bara ndikalinganimo roti lima ngkomba anu Kuripu-ripusi nakoni ntau lima ncowu, pai sangkuja bingka yabinya anu ndipasambaka? 10#Mat. 15:34-38 Bara roti anu pitu ngkomba anu nakoni ntau aopo ncowu, sangkuja bingka yabinya anu ndipasambaka? 11Wenu painaka bareʼepa ndirata ndaya kabanyanya roti anu Kutangara ndaya. Anu Kutoʼoka komi da ndisoro-soro inceʼemo ragi nto Parisi pai to Saduki!”
12Nepa narata ndaya waʼa anaguru i Yesu, tau seʼe ndatotoraka banya da mampatoka ragi anu ndapowiaka roti, paikanya da mancoro-ncoro pompaguru nto Parisi pai to Saduki.
Pangaku i mPeturu kono i Yesu
16:13-20
(Mrk. 8:27-30, Luk. 9:18-21)
13I Yesu njoʼu ri tana anu mosu ri lipu Kaisaria Pilipi. Njairia Sira meoasi ri waʼa anaguru-A ndatoʼo, “Malulu pantoʼo ntau isema i Ana Manusia?”
14 #
Mat. 14:1-2, Mrk. 6:14-15, Luk. 9:7-8 Mesono waʼa anaguru-A natoʼo, “Reʼe anu mantoʼo i Yohane Topopariu. Reʼe woʼu anu mantoʼo i Elia, anu saʼe woʼu mantoʼo i Yeremia, bara sambaʼa ungka ri oyo waʼa nabi.”
15“Paikanya malulu komi ngkaliomi isema Yaku?”
16 #
Yoh. 6:68-69
Mesono i Simo Peturu natoʼo, “Komi inceʼemo Mokole Tadungkadago, Ana i mPue Ala Anu Tuwu.”
17Mesono i Yesu ndatoʼo, “Morasi kojo siko Simo ana i Yona! Maka banya tolino anu mampapaincanika siko, paikanya Papa-Ku anu ri suruga. 18Kutoʼoka siko, siko inceʼemo i Peturu, roka anu maroso. Pai ri wawo mbatu seʼi da Kupawangunaka gereja-Ku anu bareʼe da nanangi ngkuasa ngkapate! 19#Mat. 18:18, Yoh. 20:23 Da Kuwaika siko pogili Lino Dawoʼu i mPue Ala. Nunjaa anu nupetangani ri lino seʼi, inceʼe seʼe ndapetangani ri suruga. Pai nunjaa anu nupakamonco ri lino seʼi, inceʼe seʼe da ndapakamonco ri suruga.”
20Roo setu nepa ndapatiendo i Yesu waʼa anaguru-A da naka neʼe boi natoʼo-toʼoka tau ka Siranya Mokole Tadungkadago.
I Yesu mampau kono kapari pai kapatea
16:21-28
(Mrk. 8:31–9:1, Luk. 9:22-27)
21Montepuʼumo ri tempo setu ndatoʼo mpayoa i Yesu ri waʼa anaguru-A, Sira sangaya-ngaya da njoʼu ri Yerusale pai da mampomberataka maria kapari pai pejeani ungka ri waʼa, ntopombawanaka waʼa ntadulako ntadu mpanyomba pai waʼa guru agama. Sira da ndapepate, pai ri katatogo ndemenya da ndapapembangu muni.
22Naombitaka i mPeturu Sira ri sudipinya nepa natoʼka Sira, “Pue, tuarapa da ndapakalawa i mPue Ala anu nditoʼo roo, neʼe kojo da mewali inceʼe ri Komi!”
23Metorobaka Sira ndatoʼoka i Peturu, “Palai retu, Seta! Siko podo masalempori Yaku. Incetu podo nawa-nawa ntolino banya nawa-nawa mPue Ala!”
24 #
Mat. 10:38, Luk. 14:27 Nepa ndatoʼoka anaguru-A, “Isema anu malulu Yaku, neʼe napariwawo pepokononya, paikanya da napasaʼa kaju ndapanggonya nepa nalulu mpaliu Yaku. 25#Mat. 10:39, Luk. 17:33, Yoh. 12:25 Maka bara isema anu mampepurungi inosanya siʼa da paya ngkabongo inosanya, pai isema anu bareʼe mampepurungi inosanya ua mamponcuruka Yaku, siʼa da marata katuwu. 26Nunjaamo yowenya ri tau sambaʼa ane napotumpu sambawo lino seʼi, paikanya tetaji katuwunya? Ara maya katuwu setu da ndatoloka anu ntaninya?
27 #
Pol. 62:13, Mat. 25:31, Rom. 2:6 Bareʼemo masae i Ana Manusia da motunda sangkani-ngkani pai waʼa malaʼeka-A, pai da rata ri Kuasa i mPapa-A. Ri tempo setu da Sira ndapesawakimo sambaʼa-sambaʼa tau malulu powianya. 28Dandipaincani reʼe ri oyo ntau anu reʼe ireʼi, anu bareʼepa da mate ane bareʼepa nakita karata i Ana Manusia anu da rata ewa sambaʼa Mokole.”
Currently Selected:
MATIU 16: LAIPMF
Highlight
Share
Compare
Copy
Want to have your highlights saved across all your devices? Sign up or sign in
