MATIU 15
15
Ada ntau tuʼa
15:1-9
(Mrk. 7:1-13)
1Santibura to Parisi pai bara tesangkuja guru agama ungka ri Yerusale, madadu i Yesu. Napeoasi ntau seʼe ri Sira, 2“Makuja waʼa anaguru-Mu maewa ada waʼa ntau tuʼata? Maka ane mangkoni tau seʼe bareʼe nawusoʼi riunya palenya, malulu ada ntau tuʼata!”
3Mesono i Yesu ndatoʼoka tau seʼe, “Makuja komi woʼu malewa songka i mPue Ala ua palulumi ada ntau tuʼami? 4#Pa. 20:12, 21:17, Tad. 20:9, Paw. 5:16 Maka ndatoʼo i mPue Ala, ‘Tubunaka inemu pai papamu,’ pai ‘tau anu mampepepara inenya pai papanya, sangaya-ngaya da ndapepate.’ 5Paikanya komi mampaguruka tau nditoʼo, ‘Bara isema anu mantoʼoka inenya pai papanya, doi anu kupatoka da kupatuwuka komi roomo kupanyombaka ri Pue Ala.’ 6Tau anu mowia ewanceʼe mau bareʼemo natubunaka tau tuʼanya. Mewali padika i mPue Ala maya ndalewa ua malulu ada ntau tuʼami. 7Komimo waʼa ntau anu topokira-kira! Kobanganimo nuntu i mPue Ala anu naparata i Nabi Yesaya kono komi,
8 #
Yes. 29:13
‘Ewaseʼi pantoʼo i mPue Ala:
Waʼa ntau setu podo ngujunya mampanyomba Yaku,
paikanya raya ntau seʼe lawa ungka ri yaku.
9Bereʼe yowenya panyomba ntau seʼe ri Yaku,
maka tau seʼe mampepaguruka songka ntolino
ewa mampepaguruka songka-Ku.’ ”
Waʼa anu mampakakarika tau
15:10-20
(Mrk. 7:14-23)
10Ungka lairia ndapeboo i Yesu waʼa ntau, nepa ndatoʼoka tau seʼe, “Ndipedongeka mpodago da naka ndirata ndaya! 11Anu mesua ri nganga inceʼe bareʼe mampakakarika tau, paikanya anu mesuwu ungka ri nganga ntau inceʼe anu mampakakarika tau.”
12Metimosuki anaguru-A ri Sira natoʼo, “Bara ndiincanimo Pue maʼai kojo kajaʼa ndaya nto Parisi ri padongenya pompau-Mi roo?”
13Mesono i Yesu ndatoʼo, “Waʼa mpinamuya anu bareʼe ndapomuya mPapa-Ku ri suruga, da ndawuka pai kalenya. 14#Luk. 6:39 Neʼe ndapojo malinga waʼa nto Parisi setu; tau seʼe setu waʼa ntopombawanaka anu buta; da manini tau buta; pai ane tau buta manini tau buta, manoto radua-duamo seʼe da sarampu ri wayau.”
15Natoʼo i mPeturu ri Sira, “Nditotorakaka kami posoki nuntu mporapa setu.”
16Mesono i Yesu ndatoʼoka tau seʼe, “Ara komi woʼu bareʼepa ndirata ndaya? 17Ara bareʼe ndiincani, kapura-puranya anu mesua ri nganga, tudu ri kompo pai kapusanya da ndatajika muni? 18#Mat. 12:34 Paikanya anu mesuwu ungka ri nganga inceʼe anu moiwo ungka ri raya pai inceʼemo anu mampakakarika tau. 19Maka ungka ri raya mebete waʼa nawa-nawa anu majaʼa; anu mampapopuʼu tau mepepate, mosalara, mowongo-wongo, melima, mewali sabi kambamba-mbamba pai menuntuki. 20Pura-pura setumo anu mampakakarika tau, banya ua mangkoni ri kabareʼenya ndawusoʼi pale.”
Peaya ndaya sambaʼa weʼa to Kanaa
15:21-28
(Mrk. 7:24-30)
21Palai i Yesu ungka njairia, njoʼu Sira ri daera anu mosu ri kota Tiru pai Sidoni. 22Maʼimo ri Sira sambaʼa weʼa to Kanaa ungka ri daera setu, meboo-boo natoʼo, “Ana i Daudi ndipokapurumo yaku! Anaku anu weʼa napesuaki inosa majaʼa. Mapari kojo naepe.”
23Paikanya bareʼe liu-liu ndasono i Yesu perapi mbeʼa setu. Nepa maʼi waʼa anaguru-A mantoʼoka Sira, “Ndipokaumo napalai weʼa sinjau. Siʼa jamakaliwongo ri talikuta!”
24Mesono i Yesu ndatoʼo, “Yaku podo ndapokau da njoʼu ri banca Isaraeli, tetulabasi ri tau seʼe anu lingu.”
25Paikanya njoʼumo weʼa setu manyomba ri suara i Yesu natoʼo, “Pue, ndipelae yaku.”
26Mesono i Yesu ndatoʼo, “Bareʼe madago ndatima pangkoni ananggodi nepa ndatendeka asu.”
27Mesono weʼa setu natoʼo, “Monco kojo Pue, paikanya asu woʼu da mangkoni wurerenya anu manawu ungka ri meja mpuenya.”
28Nepa ndatoʼo i Yesu ri weʼa setu, “Ee weʼa bangke kojo peaya ndayamu. Mbolimo da mewali nunjaa anu nupodaraya!” Ri tempo setu seʼe osamo ananggodi weʼa setu.
Maria tau majuʼa ndapakaʼosa i Yesu
15:29-31
29Palai i Yesu ungka njairia, melinja Sira malulu wiwi nDano Galilea. Nepa mandake Sira ri sambaʼa pongku ntana motunda njairia. 30Maria tau anu rata madadu Sira, mangkeni waʼa ntau dingge, tau buta, tau pungku, tau bobo, pai maria woʼu tau majuʼa ntaninya. Tau seʼe madika waʼa ntau majuʼa setu ri suara i Yesu, ndapakaʼosa waʼa ntau setu. 31Waʼa ntau sondo anu njau njairia maʼai kajingki ndaya ntau seʼe mangangkita tau bobo sowamo mompau, tau dingge osamo, tau pungku melinjamo, tau buta yosamo matanya. Nepa naunde-unde ntau seʼe Pue Ala banca Isaraeli.
I Yesu mampakoni tau aopo ncowu
15:32-39
(Mrk. 8:1-10)
32Ungka lairia ndapeboo i Yesu waʼa anaguru-A, ndatoʼo, “Mapuru raya-Ku ri tau sondo seʼi. Tatogo ndememo tau seʼe sangkani-ngkani pai Yaku, pai seʼi bemoreʼe pangkoni ntau seʼe. Paikanya bareʼe Kupokono da mampapaliu tau seʼe mewalili ane bareʼepa mangkoni, boi malimpu ri jaya tau seʼe.”
33Meoasi waʼa anaguru-A ri Sira natoʼo, “Ri mbeʼi da taparata pangkoni ri tana soa seʼi, anu da gana ndapakonika tau anu ewanceʼi kasondonya?”
34Ndapeoasi i Yesu ri tau seʼe ndatoʼo, “Sangkuja ngkomba roti anu reʼe ri komi?”
Mesono tau seʼe natoʼo, “Reʼe papitu, pai bau anu masiwu-siwu bara tesangkuja mbaʼa.”
35Ndapokaumo i Yesu waʼa ntau sondo setu da motunda ri tana. 36Ungka lairia ndatima i Yesu roti papitu ngkomba setu pai baunya. Nepa mekakai Sira ri Pue Ala. Roo setu ndaripusi nepa ndawaika waʼa anaguru-A mampotilaka ri waʼa ntau sondo setu. 37Mangkonimo waʼa ntau sondo setu rantani mabosu. Roo mangkoni nepa napasambaka waʼa anaguru-A yabinya buke papitu bingka. 38Imba ntau anu mangkoni ri tempo setu reʼe aopo ncowu tuama, bareʼepa ndaimba weʼa pai ananggodi.
39Roo setu ndapokaumo i Yesu waʼa ntau sondo setu mewalili. Sira ngkalio-A meʼulaya ri sambaʼa duanga njoʼu ri daera Magada.
Currently Selected:
MATIU 15: LAIPMF
Highlight
Share
Compare
Copy
Want to have your highlights saved across all your devices? Sign up or sign in
