Popular Bible Verses from MATIU 16

Share

Nepa ndatoʼoka anaguru-A, “Isema anu malulu Yaku, neʼe napariwawo pepokononya, paikanya da napasaʼa kaju ndapanggonya nepa nalulu mpaliu Yaku.

Kutoʼoka siko, siko inceʼemo i Peturu, roka anu maroso. Pai ri wawo mbatu seʼi da Kupawangunaka gereja-Ku anu bareʼe da nanangi ngkuasa ngkapate!

Da Kuwaika siko pogili Lino Dawoʼu i mPue Ala. Nunjaa anu nupetangani ri lino seʼi, inceʼe seʼe ndapetangani ri suruga. Pai nunjaa anu nupakamonco ri lino seʼi, inceʼe seʼe da ndapakamonco ri suruga.”

Maka bara isema anu mampepurungi inosanya siʼa da paya ngkabongo inosanya, pai isema anu bareʼe mampepurungi inosanya ua mamponcuruka Yaku, siʼa da marata katuwu.

Nunjaamo yowenya ri tau sambaʼa ane napotumpu sambawo lino seʼi, paikanya tetaji katuwunya? Ara maya katuwu setu da ndatoloka anu ntaninya?

“Paikanya malulu komi ngkaliomi isema Yaku?” Mesono i Simo Peturu natoʼo, “Komi inceʼemo Mokole Tadungkadago, Ana i mPue Ala Anu Tuwu.”

Mesono i Yesu ndatoʼo, “Morasi kojo siko Simo ana i Yona! Maka banya tolino anu mampapaincanika siko, paikanya Papa-Ku anu ri suruga.