HOSEA 3
3
I Hosea pai rongonya anu bareʼe tumoro
3:1-5
1Ndatoʼo i mPue ri yaku, “Akomo njoʼu woʼu pai pomawo sambaʼa weʼa anu toposalara. Pomawomo siʼa ewa Yaku woʼu mampomawo to Isaraeli, mau tau seʼe mampalaika Yaku pai manyomba ri waʼa lamoa ntaninya, pai mangampokono mampanyombaka kukisi roti ri lamoa.”
2Inceʼe painaka yaku mombayari sampuyu pai alima doi salaka pai 150 kilo gandu da kupangaleʼo weʼa setu. 3Kutoʼoka siʼa, sangaya-ngaya da masae napampopea yaku. Sangkasae ntempo setu siʼa bareʼe maya mampobalu koronya bara mosalara, pai yaku woʼu bareʼe da mantimosuki siʼa. 4Ewanceʼemo katedikanakanya to Isaraeli; masae kojo temponya tau seʼe sangaya-ngaya da tuwu bereʼe mokole anu mawawanaka, bara topombawanaka, bereʼe panyomba bara waʼa ntugu anu ndasarumaka reʼe kuasanya, bereʼe waʼa lamoa bara waʼa ajima anu da mampapaincanika nunjaa anu da mewali ripurinya. 5Paikanya da rata temponya banca Isaraeli da mewalili ri Pue Ala pue ntau seʼe pai ri mokole ntau seʼe ungka ri muli i Daudi. Nepa da maeka pai da metubunaka tau seʼe ri Pue, pai mantarima waʼa mpombai-A.
Currently Selected:
HOSEA 3: LAIPMF
Highlight
Share
Compare
Copy
Want to have your highlights saved across all your devices? Sign up or sign in
