HOSEA 12
12
Isaraeli pai Yahuda ndabotusi hukunya
12:1-7
1Ndatoʼo i mPue, “Banca Isaraeli mantolilimi Yaku pai waʼa mbamba pai akala! Banca Yahuda bareʼe bali-bali maewa Yaku, Pue Ala Anu Magali pai todo.
2Mpengaya-ngaya anu nawianaka nto isaraeli ungka ri mpowuro nakarataka mawengi bereʼe yowenya pai podo mampakagero ewa ngoyu mosompo. Podenggo pai pejeani jamempone ri oyo ntau seʼe. Tau seʼe mampareʼe waʼa mpojanji pai Asuri pai mangkeni lana njoʼu ri Masiri mewali tanda mpobale.”
3 #
Pal. 25:26
#Pal. 32:24-26 I Pue da mokara-kara pai banca Yahuda; Sira woʼu da mangahuku Isaraeli ua poʼengko ntau seʼe. Sira da mangampesawaki powia ntau seʼe. 4#Pal. 28:10-22 Lawi ntongo ri raya ngkompo inenya ngkai ntau seʼe i Yako menangi-nangimo ri Esau samporapinya; pai jabutu bangkemo, i Yako mombeluku pai Pue Ala. 5Siʼa mombeluku pai sambaʼa malaʼeka pai menangi siʼa. Nepa motumangi siʼa merapi da ndadonco. Ri purinya i Pue Ala rata ri Beteli ri Yako tau piamomi setu, pai mompau pai siʼa. 6I Pue Ala setu inceʼemo Pue Anu Makuasa. Toʼo-A inceʼemo Pue. Pai toʼo setumo Sira mantangara ndaya tau da manyomba ri Sira. 7Inceʼe painaka ee komi waʼa muli i Yako, peayamo ri Pue Ala puemu pai ndipewalilimo ri Sira. Ndikatuwumo buke towe pai kayoa ndaya pai ndipetaʼamo ri karodo ndaya rantani i Pue Ala da monggale.
Botusi anu tondanya kono popahuku Isaraeli
12:8-15
8Ndatoʼo i mPue ri banca Isaraeli, “Komi topetengosi ewa to Kanaʼa: waʼa ntopobalu-balumi napokono mantengosi waʼa ntau anu biasa meoli ri siʼa pai podasinya bareʼe monco. 9#Tad. 23:42-43 ‘Kita wawaseʼi koreʼemo,’ pantoʼo ntau seʼe. ‘Kita morasi! Bareʼe da reʼe tau mantuluri kakitanya marata kakoreʼe ri jaya anu bareʼe mayoa.’ 10Paikanya, Yaku, Pue Ala puemu anu mangkeni mpesuwu komi ungka ri tana Masiri, da mampowia komi maroo-roo woʼu ri raya ngkema ewa iʼowi ri tempo ngkarataku ri komi ri pada bone.
11Roomo kupauka waʼa nabi, pai kuwai pepatongawa anu sondo ri tau seʼe. Mampoliu tau seʼe Yaku mampapaincanika waʼa rencanaku da tilami komi waʼa ntau-Ku. 12#Pal. 29:1-20 Paikanya mau ewanceʼe ntongo reʼepa anu manyomba ri lamoa ri Gilea, pai anu mampanyombaka japi ri wawo lampaʼani ri Giligali. Paikanya waʼa ntau seʼe anu manyomba ri lamoa setu da mate, pai waʼa lampaʼani ri Giligali setu da mewali pobuyu-buyu mbatu ri pojamaa.”
13 #
Pa. 12:50-51
Tau piamota i Yako molonco njoʼu ri Mesopotamia, sira mampekipowatua koroa ri tau njairia podo da ndapaleʼo mamporongo ananya, sira mewali to pongkambi waʼa bimba ntau setu. 14I Pue mampokau sambaʼa nabi da mangkeni mpesuwu to Isaraeli ungka ri tana Masiri kareʼe pampowatua tau seʼe, pai da mangajagai tau seʼe. 15To Isaraeli mangkelomo karau ndaya i mPue; tau seʼe sintinaja kojo da ndahuku ua kajaʼa ntau seʼe. I Pue da mangahuku tau seʼe, maka tau seʼe mampapopuʼumo pampetikodi ntau Sira.
Currently Selected:
HOSEA 12: LAIPMF
Highlight
Share
Compare
Copy
Want to have your highlights saved across all your devices? Sign up or sign in
