HOSEA 11
11
I Pue mampotowe waʼa ntaua anu baleparu
11:1-11
1 #
Pa. 4:22, Mat. 2:15 Ndatoʼo i mPue,
“Yaku mampotowe Isaraeli montepuʼu ungka ri kakodi-kodinya,
Kupeboo ana-Ku setu mesuwu ungka ri tana Masiri.
2Paikanya Kuʼaiwaka mampeboo ana-Ku setu,
kako natitilawangi Yaku.
Siʼa mangkoni panyomba pai mantunju dupa
tila i Baali pai waʼa lamoa ntaninya.
3Ntanoka Yakumo anu mampaguru Isaraeli malinja
pai anu mangasoko ri kamawo ndaya.
Yakumo anu mampatuwu siʼa
paikanya bareʼe napokono mangaʼaku.
4Ua kapande ndaya-Ku
Kupakamosu siʼa ri Yaku.
Waʼa ngkapari ndayanya Kungaʼati
pai ri kapande ndayaku kuwaika siʼa pangkoni.
5Waʼa nto Isaraeli setu bareʼe napokono mewalili ri Yaku, inceʼe painaka tau seʼe sangaya-ngaya da mewalili ri Masiri, pai banca Asuri da mamparenta tau seʼe. 6Pombetoto da teʼaiwaka rantani rata ri raya waʼa ngkota ntau seʼe, waʼa baa-baa da ndarongkasi, pai waʼa ntauku da ndaʼopisaka. Incetu da mewali ua tau seʼe malulumo pepokononya ngkalionya, 7pai merosopaka da mampalaika Yaku. Inceʼe painaka tau seʼe da tejeani, pai bareʼe da reʼe anu da mangalapasaka tau seʼe rapanya tau seʼe meboo merapi tulungi.”
8 #
Paw. 29:23
Ndatoʼo i mPue, “Ee Isaraeli, bareʼe mewali siko da kupapaliuka bara da kupalaika. Ara da mewali siko da kugero ewa i Adima? Bara da kupowia ewa i Seboi? Bareʼe loʼu rayaku da mampowia ewanceʼe, maka maʼai gaga kupampomawo siko! 9Siko bareʼe da Kuhuku ri karau ndaya-Ku; siko bareʼemo da kugero. Maka Yaku Pue Ala, banya tolino. Yaku, Anu Magali, mangkariani siko pai bareʼemo kupokono mampokarau siko.”
10Ndatoʼo i mPue, “Waʼa ntau-Ku da mangalulu Yaku ane mengaramo ewa singa Yaku pai mampaka tewuraga waʼa iwali ntau seʼe. Waʼa ntau-Ku da ganggara rata ungka ri kasoyoa da manyomba ri Yaku. 11Ungka ri Masiri da maliga karata ntau seʼe ewa poyoko ntonci, pai ungka ri Asuri da ewa putiʼa sadompu. Nepa da kukeni muni tau seʼe mewalili ri banuanya. Yaku Pue anu mompaumo seʼi.”
Currently Selected:
HOSEA 11: LAIPMF
Highlight
Share
Compare
Copy
Want to have your highlights saved across all your devices? Sign up or sign in
