HOSEA 10
10
1Isaraeli ewa puʼu anggoro anu wea-wea wuanya. Kako teranga-rangani kakoreʼenya, kako maria-ria lampaʼani anu napowia. Kako madago-dago katuwunya. Kako lese-lese woʼu pampowianya waʼa ntugu lamoa anu napanyomba. 2Waʼa ntau anu modenggo rayanya setu, seʼi-seʼi sangaya-ngaya da mangkoyo huku ncalaanya. I Pue Ala da mangagero lampaʼani ntau seʼe, pai da mangaruasi waʼa ntugu lamoa ntau seʼe.
3Bareʼemo masae da natoʼo ntau seʼe, “Kita bareʼe mampotumpu mokole maka kita bareʼe mampokaeka i Pue. Ara nunjaa yowenya sambaʼa mokole ri kita?” 4Tau seʼe sondo pau ngkabongo, pai mampareʼe janji mbamba, pai mamposintuwui janji anu bereʼe yowenya. Padika natoro baliko painaka anu tuwu inceʼe kabareʼenya mayoa ewa pinamuya anu kerasu pai bonde anu roo ndapomanggi.
5Waʼa ntau bangani ngkota Samaria da maeka; tau seʼe pai waʼa ntadu mpanyombanya anu mamporiokoi japi wuyawa ri Beteli setu da mapari rayanya pai motumangi ua mangkita peawa lamoa ntau seʼe payamo. 6Lamoa setu da ndakeni ri Asuri da ndaparaseeka i datu bangke. Isaraeli mangalulu tunggai ndaya anu da mampareʼe ea pai pampetikodi tau seʼe. 7Samaria da magero pai mokolenya da ndakeni ewa santompo kaju anu napogandaka ue. 8#Luk. 23:30, Pepat. 6:16 Waʼa banua lamoa anu reʼe ri waʼa mpongku ntana ri Beteli kareʼe mpanyomba nto Isaraeli manyomba ri lamoa, da ndagero. Rui pai ewo da tuwu ri lampaʼani ntau seʼe. Nepa da meboo tau seʼe ri waʼa buyu natoʼo, “Kaʼuwimo kami!” pai ri waʼa mpongku ntana da natoʼo, “Ndiperemo kami!”
Isaraeli ndabotusi hukunya
10:9-15
9 #
Tdu. 19:1-30
Ndatoʼo i mPue, “Montepuʼu ri pewalinya ri Gibea, to Isaraeli bareʼe bara napeʼontoka mowia salaa maewa Yaku. Inceʼe painaka ri Gibea woʼu tau seʼe narumpa mpoʼiwali. 10Yaku da mangaungku waʼa ntau anu masalaa setu, pai da mangahuku tau seʼe. Waʼa banca da mompasanjuyu mangaewa tau seʼe, pai tau seʼe da ndahuku ua salaa ntau seʼe anu sondo setu.
11Iʼowi Isaraeli ewa japi anu mangurapa anu ndapaguru mpodago, pai madoyo maʼii gandu mau bareʼe ndasaʼubaka pasanga ri leʼenya anu magaya setu. Paikanya seʼi-seʼi roo kupakanoto Yaku da mangariso motetala manee. Yahuda kupokau mopajeko, pai Isaraeli Kupokau mosara. 12#Yer. 4:3 Mompau Yaku kutoʼo, ‘Ee Isaraeli! Powiamo jamaa dawoʼu galamu, sawukamo inii ngkayoa, pai potamo popadonco anu napowuaka ua kamonco mawomu ri Yaku. Maka ratamo temponya siko da mampepali Yaku, Puemu, Yaku da rata pai da mangabubuka siko waʼa mpombai-Ku. 13Paikanya banya inceʼa anu nuwianaka; siko jamampari-mpari jaʼa, pai mangampota kabareʼenya mayoa. Siko mangangkonimo waʼa wua mpombambamu.”
Ndatoʼo woʼu i mPue, “Ee banca Isaraeli, ua komi mampeonda waʼa ngkareta mpoʼiwalimi, pai kasondo waʼa ncurodadomi, 14inceʼe painaka waʼa mpalilimi da narumpa mpoʼiwali, pai pura-pura bentemu da ndagero. Katedikanakanya da ewa anu mewali riʼeo mpangagero i Datu Belisasari kota Beta-Arabeli ri raya mpombetoto pai mangalandasi waʼa ine sangkani pai waʼa ananya. 15Incetumo anu da mewali ri komi, ee waʼa ntau bangani Beteli. Maka komi mawianakamo jaʼa anu bangke. Ri powinangkasi ndeme nepa montepuʼu mpinca pombetoto, mokole da mate.”
Currently Selected:
HOSEA 10: LAIPMF
Highlight
Share
Compare
Copy
Want to have your highlights saved across all your devices? Sign up or sign in
