HAGAI 2
2
Peawa Banua i mPue anu dawoĘĽu
2:1-9
1Ri ruampuyu pai sambaʼa, eo mbuya kapapitu ri taʼu setu seʼe, i Pue mompau mampoliu i Nabi Hagai. 2I Pue mampokau i Hagai da mompau ri Petoro Serubabeli, Tadu mPanyomba Bangke Yosua, sangkani pai waʼa ntau sondo, mampetumbu nuntu seʼi. 3#Es. 3:12 “Bara reʼe tau ri oyomi anu mangaendopa ewambeʼi peawanya Banua-Ku seʼi iʼowi? Seʼi-seʼi ewambeʼi katedikanakanya, malulu parata ndayami? Ara banya bareʼemo liu-liu madago ndakita? 4Paikanya, neʼe pura rayami, ee komi pura-pura! Ndiponggaleka mpaliu tetalami setu, maka Yaku bareʼe bali-bali da mantulungi komi. 5#Pa. 29:45-46 Ri tempo mpesuwumi ungka ri tana Masiri, Yaku mojanji bareʼe bali-bali da mangkariani komi. Mewali neʼe malelu rayami.
6 #
Ib. 12:26
Ri tempo anu bareʼemo masae Yaku manganjuasi yangi pai lino, karatana pai tasi. 7Pura-pura banca da Kuwuraga pai aga-aga ntau seʼe da nakeni ri maʼi, paikanya Banua-Ku da buke pai kakoreʼe ntau seʼe. 8Waʼa mbuyawa pai salaka ri lino seʼi Yaku tumpunya. 9Banua-Ku anu dawoʼu seʼi da meruu peawanya pai anu owi, pai ireʼi da kupawai dago pai kagana-gana ri banca-Ku.” I Pue Anu Makuasa mantoʼomo seʼi.
I Nabi Hagai mogombo pai waĘĽa ntadu mpanyomba
2:10-14
10Ri ruampuyu pai aopo eo mbuya kasasio ri taʼu karadua poparenta i Datu Dariusi, Pue Anu Makuasa mompau ri Nabi Hagai. 11Ndatoʼo, “Perapi botusi ungka ri waʼa ntadu mpanyomba kakononya inceʼi: 12Ane rapanya reʼe sambaʼa tau anu mangantima sancompi sanga mpinatuwu anu ndapanyombaka ri Pue, nepa nakeni mpewalili nasambunika ri katelupi jubanya, roo setu, jubanya setu seʼe maisu roti bara nunjaa anu ndapoapu, bara anggoro, bara lana saitu bara pangkoni anu ntaninya, bara pura-pura setu da mewali magali woʼu?”
Sindara i Hagai mamparata pompeoasi setu, waʼa ntadu mpanyomba masono, “Bareʼe!”
13 #
Pai. 19:11-22
Ungka lairia meoasi woʼu i Hagai, “Ane rapanya reʼe tau anu mewali karika ua paisunya wata ngkoro ntau mate, nepa kono naisu sangaya ungka ri waʼa anu ndakoni setu, bara da mewali karikamo waʼa mpangkoni setu?”
Waʼa ntadu mpanyomba mesono natoʼo, “Io, inceʼe manoto!”
14Ungka lairia natoʼo woʼu i Hagai, “Ndatoʼo i mPue, padika setu woʼu kono to Isaraeli ri tana seʼi pai ri mpengaya-ngaya pandata ntau seʼe. Mewali, nunjaa anu napanyombaka ntau seʼe ri lampaʼani seʼi karika.”
I Pue majanji popadonco-A
2:15-19
15Ndatoʼo i mPue, “Koisa, ndinawa-nawa nunjaa anu mewalimo ri kabareʼepanya rata ri sandeme seʼi, inceʼemo kabareʼepanya ndapakoroka Banuaku seʼi! Ewambeʼi katedikanakami ri tempo setu? 16Komi njoʼu mampeole dongko gandumi pai ndinawa-nawa da ndirata 200 kilo gandu, ntanoka anu ndirata podo 100 kilo. Komi njoʼu mancangku anggoro 100 literi ungka ri gumba anggoro, paikanya anu njau 40 literi. 17Yaku mampapewuimo ngoyu mapane pai uja watu anu mangalesaki waʼa bangani njamaami, paikanya bareʼe ndipokono mewalili ri Yaku. 18Ri eo seʼi, ruampuyu pai aopo eo mbuya kasasio, pondasi Banua-Ku roomo ndadika! Ndipeolemo nunjaa anu da mewali montepuʼu sandeme seʼi. 19Mau bareʼemo reʼe gandu anu totaʼa, pai puʼu anggoro, puʼu ara, puʼu delima, pai puʼu saitu bareʼepa mowua, paikanya montepuʼu seʼi-seʼi Yaku da mangadonco komi!”
Janji i mPue ri Serubabeli
2:20-23
20Ri eo setu seʼe, kono ri ruampuyu pai aopo eo mbuya kasasio, i Pue mawai nuntua karadua ri Hagai, 21da naparata ri Petoro Serubabeli. Ndatoʼo i mPue, “Bareʼemo masae yangi pai lino da Kunjuasi, 22waʼa ngkamokole da kugero pai kuasa ntau seʼe kupapura. Waʼa ngkareta mpoʼiwali sangkani pai anu mangkeni da Kubalikaʼu; pura-pura nyara da mate pai waʼa ntau anu mampelamba da mombepepate. 23Ri eo setu siko Serubabeli, watua-Ku, kulanti moparenta ri toʼoku. Maka sikomo anu Kupilisi.” I Pue Anu Makuasa anu mantoʼomo seʼi.
Currently Selected:
HAGAI 2: LAIPMF
Highlight
Share
Compare
Copy
Want to have your highlights saved across all your devices? Sign up or sign in
