HAGAI 1
1
Songka i mPue da naka ndawali wangu Banua i mPue
1:1-11
1 #
Es. 4:24–5:2, 6:14 Ri taʼu karadua poparenta i Datu Dariusi ri Parasia, ri sambaʼa eo mbuya kaʼaono, i Pue mompau mampoliu i Nabi Hagai. Nuntu i mPue setu tetulabasi ri Serubabeli ana i Seatieli, petoro Yahuda, pai Tadu mPanyomba Bangke Yosua ana i Yosada.
2Ndatoʼo i mPue Anu Makuasa ri Hagai, “Natoʼo banca seʼi bareʼepa rata temponya da ndapawali wangu muni Banua-Ku.” 3Ungka lairia mampoliu i Nabi Hagai ndatoʼo i mPue ri waʼa ntau-A, 4“Ee waʼa ntau-Ku, ara ratamo temponya komi da mampeari banuami anu madolidi pai maroso, pai ntano Banua-Ku ntongo waka ngkaruanya? 5Koisa ndipatomata katedikanakami! 6Mariamo inii anu ndisawu paikanya pandatami podo sakodi. Komi reʼe pangkonimi paikanya bareʼe gana mampakabosu komi. Komi mampotumpu anggoro paikanya bareʼe gana mampakaʼosa karangangami. Komi mampotumpu rengko paikanya bareʼe gana mampakaramu koromi. Pai saro anu natarima ntopotetala bareʼe gana nakatuwuka. 7Bareʼe kono ndirata ndaya wenu painaka mewali ewanceʼe? 8Seʼi-seʼi ndipandakemo ri waʼa mpongku ntana mantowo kaju, nepa ndiwangu Banua-Ku; da mawongko rayaku pai Yaku da ndapanyomba muni ri gori ngkamonconya. Koisa patomata katedikanakamu! 9Komi mampomata-mata sili lengemi anu gana-gana, ntanoka anu ndirata podo sakodi mpodago; ndikeni mpewalili, paikanya wua njamaami setu kutawuisi, painaka pura nawaro ngoyu. Wenu painaka ewanceʼe kupampowia? Sononya inceʼemo: Maka Banua-Ku ntongo waka ngkaruanya, ntanoka komi pura-pura kampale-mpale mawangu banuami ngkaliomi. 10Inceʼe painaka bareʼe tudu uja painaka bareʼe-reʼe pinamuya anu tuwu. 11Yaku mampareʼemo kaporeme ri tana pai waʼa mpongku ntana, ri waʼa njamaa gandu pai waʼa bonde anggoro sangkani pai waʼa bonde saitu, pai waʼa mpengaya-ngaya pinamuya ri tana seʼi, ewanceʼe seʼe ri tolino pai pinatuwu pai ri mpengaya-ngaya anu ndiwianaka.”
To Isaraeli mampedongeka songka i mPue
1:12-15
12Ungka lairia i Serubabeli pai Yosua sangkani pai waʼa nto Isaraeli anu mewalilimo ungka ri kareʼe mpantawani ri Babeli, malulumo waʼa mpau i Hagai, pomokau i mPue setu. Tau seʼe mawianaka nunjaa anu ndapesongkaka i mPue ri tau seʼe, maka maeka ri Pue.
13Nepa napetumbu i Hagai nuntu i mPue ri waʼa ntau sondo anu mantoʼo i Pue mojanji da mangkariani tau seʼe.
14Ewanceʼemo paʼiowaka i mPue raya i Petoro Serubabeli, Tadu mpanyomba Bangke Yosua sangkani pai waʼa ntau anu mewalilimo ungka ri kareʼe mpantawani da naka tau motetala mawangu Banua i mPue Anu Makuasa, Pue Ala pue ntau seʼe. 15Tau seʼe mantepuʼu potetala ri rua mpuyu pai aopo eo mbuya kaʼaono ri taʼu karadua poparenta i Datu Dariusi.
Currently Selected:
HAGAI 1: LAIPMF
Highlight
Share
Compare
Copy
Want to have your highlights saved across all your devices? Sign up or sign in
