YEHESIKIELI 47
47
Mata Ue ri Banua i mPue
47:1-12
1 #
Sak. 14:8, Yoh. 7:38, Pepat. 22:1 Tuama setu mampoyunu yaku mewalili ri wombo mpesua ri Banua i mPue. Kukita ue moili ungka ri ara wombo setu njoʼu ri pebetea, ewa Banua i mPue woʼu mosuara tondo ri pebetea. Ue setu moili ungka ri ara tungka mbombo Banua i mPue tondo selata moliu ri apanya tondo selata lampaʼani. 2Ungka lairia tuama setu mampoyunu yaku mesuwu moliu ri baa-baa utara pai manini yaku njoʼu ri baa-baa pebetea. Koro ue kodi setu moili ungka ri apanya tondo selata baa-baa setu. 3Tuama setu mampontubuka toko mpontubunya, pai mampoyunu yaku malulu poili ue setu njoʼu ri tondo pebetea 500 meteri kalawanya, nepa nopakau yaku mowote. Njairia kayombu uenya podo rata ri wuku yali. 4Ungka lairia natubu woʼu 500 meteri, pai njairia uenya sawi ri wukotu. Natubu woʼu 500 meteri, njairia uenya sawi ri lompe. 5Sangkani woʼu natubu 500 meteri, pai njairia uenya maʼaimo kayombunya ane da mowote ngkoro. Tau ane da mowote sangaya-ngaya da monangu. 6Nepa natoʼo ntau setu ri yaku, “Ee tolino anu podo awu ntana, patomata mpodago pura-pura seʼi.”
Ungka lairia nakeni mpewalili yaku mosanca ri koro ue setu, 7pai kukita ri wingke ngkoro ue setu ntimali-mali maria kojo puʼu ngkaju tuwu. 8Natoʼoka yaku, “Koro ue seʼi moili ndeku ri pebetea maliu tana seʼi pai maliu ngoyo Koro Yarade njoʼu ri Tasi Mate. Ane rata uenya ri Tasi Mate, ue ntasi anu mabure setu da nasawanika ue anu bareʼe mabure. 9Ri mbeʼi-mbeʼi kanjoʼu mpoili ue setu, njairia da njau mpengaya-ngaya bau pai pinatuwu ntaninya. Ue nTasi Mate da napapewali bareʼe mabure, pai ri mbeʼi ntano poili ue setu, njairia da reʼe katuwu. 10Ungka ri waʼa mata Enggedi rata ri waʼa mata ue ri Enggelai ri waʼa wingkenya da madoro pai topebau anu mampoai jala ntau seʼe njairia. Mpengaya-ngaya bau da njau ri raya ue setu, ea anu reʼe ri Tasi ri Tongo. 11Paikanya ri waʼa laro pai waʼa limbo ri santuntu wiwi ntasi setu bareʼe bali kamaburenya, paikanya da mewali pesuwu-suwu bure. 12#Pepat. 22:2 Ri sangkarate wingke koro ue setu ntimali-mali, tuwu mpengaya-ngaya puʼu ngkaju anu mowua. Iranya bereʼe kamalelenya, pai bereʼe kapura mbuanya. Waʼa mpuʼu ngkaju setu mampareʼe wua ngkaju anu dawoʼu sambuya-sambuya, maka ua anu mangauesi setu moili ungka ri Banua i mPue. Waʼa wuanya mewali pangkoni pai waʼa iranya moyowe ndapopakuli.”
Waʼa tida ntana
47:13-23
13I Pue Anu Ndate ri Peawanya mantoʼo, “Inceʼimo waʼa ntida ntana anu ndatila-tilaka ri sampuyu pai radua lemba nto Isaraeli. Lemba i Yusupu marata radua ntila. 14Yaku roo montandokoro, kono tana setu kuwaika tau piamomi, inceʼe painaka nditimamo tana setu pai ndipotilamo mpodago.
15Tidanya ri tondo utara ndatepuʼu ungka ri Tasi ri Tongo ndeku ri pebetenya rata ri kota Hetiloni, simpontu Hamati, liu ri kota Sedadi, 16njoʼu ri kota Berota pai Sibaraimi (waʼa ngkota setu njau ri oyo ngkota Damasi pai kota Hamati), ungka njairia njoʼu ri kota Hasari-Enani ri tida ntana kota Haurani. 17Mewali tida ntana ri tondo utara ndatepuʼu ungka ri Tasi ri Tongo rata ri pebetea ri kota Hasari-Enani inceʼe painaka lemba ntana Damasi pai Hamati reʼe ri tondo utara tida ntana setu.
18Tida ntana ri tondo pebetea mongkodo tondo selata, ungka ri sancua ntana anu ri oyo lemba ntana Damasi pai lemba utara Haurani. Mewali Koro Yarade mewalimo tida ntana Isaraeli ri tondo kasoyoa pai Gilea ri tondo pebetea, rata ri Tamari anu ri wiwi nTasi Mate.
19Tida ntana ri tondo selata mantotoka payompo yangi sambali, ungka ri Tamari njoʼu ri mata Kadesi-Meriba, nepa napilesaka tondo payompo yangi anu sambali woʼu sangkarate tida ntana Masiri rata ri Tasi ri Tongo.
20Tida ntana ri tondo kasoyoa mampamiwi Tasi ri Tongo, nepa ndeku ri utara ri sancuo tana anu ri tondo kasoyoa jaya mpesua ri Hamati.
21Ndipotilamo tana setu malulu waʼa lemba nto Isaraeli; 22pai tana setu da ndipotumpu rantani masae-sae. Waʼa ntau mancua anu rodo ri oyomi, pai mampotumpu waʼa ananya anu napoanamo njairia, sangaya-ngaya da marata woʼu tila ungka ri tana setu. Tau seʼe sangaya-ngaya da ndareke tesuamo tau nto Isaraeli siwia pai to Isaraeli, tau seʼe sangaya-ngaya da mantima undi da naparata tana setu ri tempo mpawianaka potila tana ri oyo waʼa lemba Isaraeli. 23Pura-pura tau mencua sangaya-ngaya da ndawaika tana sangkani-ngkani pai lemba nto Isaraeli ri mbeʼi kareʼe mpearinya. Yaku, Pue Ala Anu Ndate ri Peawanya mangantoʼomo seʼi.”
Currently Selected:
YEHESIKIELI 47: LAIPMF
Highlight
Share
Compare
Copy
Want to have your highlights saved across all your devices? Sign up or sign in
