YEHESIKIELI 44
44
Pampake baa-baa tondo pebetenya
44:1-3
1Ungka lairia, tuama setu mamponinika woʼu yaku njoʼu ri baa-baa ri sambalikunya ri tondo pebetea Banua i mPue. Baa-baa setu ndadampo, 2ndatoʼo i mPue ri yaku, “Baa-baa da ndadampo mpaliu bareʼe maya ndaloka. Bereʼe mau sambaʼa tau anu maya mesua iretu, maka Yaku Pue Ala pue nto Isaraeli, mesuamo ri Banua-Ku mampoliu baa-baa setu, mewali baa-baa seʼi sangaya-ngaya da ndadampo mpaliu. 3Paikanya anu makuasa moparenta, maya njoʼu ri baa-baa setu da mangangkoni pangkoni magali ri suara-Ku. Siʼa sangaya-ngaya da mesua moliu ri lincu bangke pai njairia seʼe da poliunya ane mewalili.”
Petompa da mampesuaki Banua i mPue
44:4-9
4Ungka lairia tuama setu mampoyunu yaku njoʼu ri baa-baa tondo utara anu mombesuara pai Banua i mPue, kupatomata mpodago, nepa kukita Banua i mPue setu nakulamuti rara anu makilaya anu mampatongawa kanjau i mPue. Nepa medungkalaka yaku mombukotu manyomba, 5nepa mompau i Pue ri yaku, ndatoʼo, “Ee tolino anu podo awu ntana, patomata mpodago nunjaa anu nukita pai anu nudonge. Yaku da mangantoʼoka siko waʼa mpodede mpadika kono Banua-Ku seʼi. Ukimo matitimama isema ntano waʼa ntau anu maya mesua ri Banua-Ku pai isema anu bareʼe maya mesua.
6Toʼokamo waʼa nto Isaraeli anu mampokono meewa setu, ka-Yakunya Pue Anu Ndate ri Peawanya, bareʼemo da kupapaliuka tau seʼe mampowia anu karika. 7Tau seʼe mampakakarikamo Banua-Ku, maka sindara lori pai daa mpanyomba ndapanyombaka ri Yaku, napapaliuka ntau seʼe mesua waʼa ntau mencua anu bareʼe ndasuna, pai bareʼe mepoʼinaya ri Yaku. Ua waʼa mpowia ntau seʼe anu mampakakarikamo setu, tau seʼe malewamo pojanjiku pai tau seʼe. 8Sawanya tau seʼe da mawianaka waʼa upacara anu magali ri raya Banua-ku, paikanya waʼa ntau mencua anu napokau ntau seʼe mawianaka.
9Yaku Pue Anu Ndate ri Peawanya, mangampapaincani, waʼa ntau mencua anu bareʼe ndasuna pai anu bareʼe mapoʼinaya ri Yaku bareʼe maya mesua ri Banua-Ku. Songka seʼi kono woʼu waʼa ntau mencua anu maroo-roo ri oyo nto Isaraeli.”
Waʼa nto Lewi ndapapesuwu ungka ri lanti ntadu mpanyomba
44:10-14
10I Pue mantoʼoka yaku, “Yaku da mangahuku waʼa nto Lewi, anu sangkani-ngkani pai waʼa nto Isaraeli ntaninya mampalaika Yaku nepa manyomba ri lamoa. 11Ri raya Banua-Ku, tau seʼe podo da maya mamporiokoi Yaku mewali topotetala pai majaga baa-baa. Tau seʼe maya mancambale pinatuwu anu da ndapanyombaka ndaʼombasi pai anu ndapanyombaka, pai tau seʼe sangaya-ngaya da mamporiokoi tau sondo. 12Paikanya, ua tau seʼe mawianakamo upacara mpanyomba ri lamoa tila banca Isaraeli, powia ntau seʼe ewanceʼe setu mangkenimo kanawu banca ri raya ncalaa, inceʼe painaka Yaku Pue Anu Ndate ri Peawanya montandokoro, tau seʼe sangaya-ngaya da ndahuku. 13Tau seʼe bareʼemo maya mamporiokoi Yaku ewa tadu mpanyomba bara da mangaisu nunjaa anu magali tila-Ku, bara da mampesuaki Lincu Anu Magali mPodago. Inceʼemo huku ntau seʼe ua waʼa mpowia ntau seʼe anu karika anu nawianakamo ntau seʼe. 14Seʼi-seʼi tau seʼe kuwaika tetala manee anu ndawianaka ri Banua-Ku.”
Waʼa ntadu mpanyomba
44:15-31
15I Pue Anu Ndate ri Peawanya, mantoʼo, “Ri tempo pampalaika banca Isaraeli Yaku, waʼa ntadu mpanyomba to Lewi muli i Sadoki todo mamporiokoi Yaku ri Banua-Ku. Inceʼe painaka tau seʼemo anu sangaya-ngaya da mamporiokoi Yaku wawaseʼi pai maʼi ri suaraku mampanyombaka lori pai daa mpinatuwu anu ndapanyombaka. 16Podo tau seʼe anu maya mesua ri Banua-Ku, mamporiokoi Yaku ri lampaʼani-Ku, pai mawawanaka panyomba ri Banua-Ku. 17#Pa. 28:39-43, Tad. 16:4 Sinda da pesua ntau seʼe ri baa-baa anu da njoʼu ri tambale anu ri rayanya, tau seʼe sangaya-ngaya da morengko lena. Bareʼe maya tau seʼe mamporengko wuyu bimba ane ntongo motetala ri tambale anu ri rayanya bara ri raya Banua-Ku. 18Da naka bareʼe malimuu bara keini tau seʼe sangaya-ngaya da mamposalana lena, bareʼe mosoʼo ntongo, pai mampotali ayapa lena. 19#Tad. 16:23 Ane mesuwu tau seʼe ri soma ri sambalikunya, ri kanjau ntau sondo mompasambaka, waʼa ntadu mpanyomba setu sangaya-ngaya da mayali rengko anu napake ntau seʼe ri raya waʼa lincu magali ri Banua-Ku, nepa napake rengko ntaninya, da naka rengko anu ndapatani setu bareʼe mampakarugi waʼa ntau sondo.
20 #
Tad. 21:5
Waʼa ntadu mpanyomba bareʼe maya madola woʼo ntau seʼe, bara mampapaliuka wuyua ntau seʼe moanca-anca. Wuyua ntau seʼe da ndagunci ede silulu pai anu ndapakanoto ri songka. 21#Tad. 10:9 Tau seʼe bareʼe maya mainu anggoro ane da mesua ri tambale anu ri rayanya.
22 #
Tad. 21:7,13-14 Waʼa ntadu mpanyomba podo maya mamporongo waʼa anaweʼa nto Isaraeli anu ntongo ananweʼa bara sambaʼa bemba ntadu mpanyomba. Tau seʼe bareʼe maya mamporongo weʼa anu napogaʼaka langkainya.
23 #
Tad. 10:10
Waʼa ntadu mpanyomba sangaya-ngaya da mampaguru waʼa ntauku da napaincani mampaposisala nunjaa anu ndapatani da tila-Ku pai mbeʼi anu bareʼe, mbeʼi anu magali malulu agama pai mbeʼi anu karika. 24Ane reʼe mebete posisala kono padika, sangaya-ngaya da naparoo ntau seʼe silulu pai waʼa mpadika-Ku. Sangaya-ngaya da nabangkei ntau seʼe waʼa mposusa agama, malulu waʼa mpodedenya pai waʼa mpadika-Ku, pai da mantubunaka Eo Umapo ewa sambaʼa eo anu ndapatani tila-Ku.
25 #
Tad. 21:1-4
Sambaʼa tadu mpanyomba bareʼe maya mampakakarika ua mangaisu watangkoro ntau mate, banya mantoʼo watangkoro ntau tuʼanya, ananya, kasangkomponya tuama bara kasangkomponya anu weʼa anu bareʼepa molangkai. 26Ane magali muni siʼa, sangaya-ngaya da mopea pitu ndeme woʼu, 27nepa njoʼu ri tambale anu ri raya Banua mPanyomba ri Yaku, pai mampanyombaka panyomba pompakagali koronya da naka maya muni siʼa motetala ri Banua-Ku. Yaku Pue Anu Ndate ri Peawanya mantoʼomo seʼi.
28 #
Pai. 18:20
Waʼa ntadu mpanyomba mantarima lanti mewali tadu mpanyomba setu inceʼemo anu mewali tila ntau seʼe ungka ri wuwunya anu Kuwaika to Isaraeli popalapi-lapi. Tau seʼe bareʼemo maya da mampotumpu nunjaa-njaa ri Isaraeli: Yakumo anu mewali aga-aga ntau seʼe. 29#Pai. 18:8-19 Tau seʼe da mampotuwu ungka ri waʼa anu ndapanyombaka, panyomba pancompo salaa, pai panyomba poncawani rugi; pai mpengaya-ngaya anu ndapatanimo da tilaku, sangaya-ngaya da ndawaika tau seʼe. 30Waʼa ntadu mpanyomba sangaya-ngaya da ndawaika tilanya anu maʼai ngkadago ungka ri mpengaya-ngaya uyu mbua, ungka ri wuwunya anu ndapanyombaka ri Yaku. Sangkani-sangkani to Isaraeli mampowia roti, roti anu kaʼisa inceʼe da gala waʼa ntadu mpanyomba. Pai Yaku da mangadonco waʼa banua nto Isaraeli. 31#Tad. 22:8 Tonci pai waʼa mpinatuwu ntaninya anu mate ngkalionya, bara anu nasoko mpinatuwu anu masii, bareʼe maya nakoni waʼa ntadu mpanyomba.”
Currently Selected:
YEHESIKIELI 44: LAIPMF
Highlight
Share
Compare
Copy
Want to have your highlights saved across all your devices? Sign up or sign in
