AMOSI 3
3
1Pedongeka nuntu i mPue seʼi, ee banca Isaraeli anu roo ndakeni mpesuwu i mPue ungka ri tana Masiri! Ndatoʼo i mPue, 2“Ungka ri pura-pura banca ri wawo lino seʼi, podo komi sambaʼa-mbaʼa banca anu kuincani pai anu kupetiro. Incetumo puʼunya painaka bangke salaami, painaka Yaku sangaya-ngaya da mangahuku komi.”
Tetala nabi
3:3-8
3Ara da mewali ane tau radua moyunu malai sangkani-ngkani ri kabareĘĽepanya riunya napombetoĘĽoka ri mbeĘĽi da kanjoĘĽunya?
4Ara mengara singa ri yopo ane bareĘĽe narata sinokonya?
Ara mengara ana ncinga ri raya mbayaunya ane bareĘĽepa reĘĽe bara nunjaa-njaa anu nasoko?
5Ara da reĘĽe tonci kono ntolia, ane bareĘĽepa ndataĘĽa tolia?
Ara da mebesi patambo ane bareĘĽepa reĘĽe anu napatambo?
6Ara bareĘĽe da kendende-ndende tau ri raya ngkota ane mangadonge surupeta patondoni mpoĘĽiwali?
Ara da reĘĽe sambaĘĽa kota da napere ncusa, ane bareĘĽe ndapakatu i mPue?
7I Pue Anu Ndate ri Peawanya bareĘĽe da mawianaka bara nunjaa-njaa ntano bareĘĽepa ndatoĘĽo rencana ri waĘĽa nabi watuaa.
8Ane mengaramo singa, isema tau anu bareĘĽe da maekanya?
Ane i Pue Anu Ndate ri Peawanya mompau, isema anu mangkoto da monjii pai bareĘĽe da mamparata nuntu-A?
Kagero Samaria
3:9–4:3
9Petumbumo inceʼi ri waʼa ntau anu maroo-roo ri langkanae Masiri pai Asido, “Ndipompasambakamo ri wawo waʼa buyu anu mantolilimi Samaria, pai ndipeolemo kaguaga anu bangke sangkani pai waʼa mpepipisi anu ndawianaka njairia.”
10Ndatoʼo i mPue, “Waʼa ntau setu bangani waʼa langkanaenya pai waʼa aga-aga anu ndarata ungka ri pepipisi pai pejeani, manoro bareʼe liu-liu naincani ntau seʼe mampowia yoa. 11Inceʼe painaka tana ntau seʼe da nalimbu ncape iwali, pompakaroso ntau seʼe da ndalesaki, pai waʼa langkanae ntau seʼe da ndapamurui.
12Ewa sambaʼa topongkambi anu mangarata rua mbali witi bara sampole talinga bimbanya anu nasoko ncinga, ewanceʼe seʼe jamo sakodi anu totaʼa ri waʼa ntau bangani Samaria, anu wawaseʼi lese naepe moturu yore ri wawo ngkasoronya anu makumba.”
13I Pue Anu Makuasa pai Anu Ndate ri Peawanya mantoʼo, “Patomatamo seʼi-seʼi pai patiendomo waʼa muli i Yako. 14#2 Raj. 23:15 Ri eo kupangahuku to Isaraeli ua salaanya, Yaku da mangalesaki waʼa lampaʼani ri Beteli. Sambaʼa-sambaʼa lampaʼani setu da ndapuʼasi tendonya da naka marudu ri tana. 15Waʼa banua ri tempo ngkaranindinya pai waʼa banua mpeari ri tempo poreme da Kugero. Waʼa banua anu ndaramba-rambani pai bengko gaja da madungka; pura-pura banua bangke da malesa.
Currently Selected:
AMOSI 3: LAIPMF
Highlight
Share
Compare
Copy
Want to have your highlights saved across all your devices? Sign up or sign in
