AMOSI 4
4
1Pedongeka, ee waʼa mbeʼa Samaria anu teranga-rangani kabokonya jamo ewa waʼa japi anu maboko ri Basani! Komi majeani tau anu malente, mampipisi tau anu kaasi-asi pai mancongka langkaimi da naka neʼe bali-bali mampatoka panginu anu mampaka yangu galami! 2Yaku, Pue Anu Ndate ri Peawanya inceʼemo Pue anu magali, pai roomo kujanji, sangkani tempo komi da kunoʼo pai isada; komi pura-pura da ewa bau ri mata mpeka. 3Komi da ndanoʼo simpontu Herimoni nepa ndatendeka ri sambalikunya, sambaʼa-sambaʼa seʼe mojaya ri oyo tembo anu mosu. Yaku Pue anu mompaumo seʼi.”
Isaraeli mapeni woʼo
4:4-13
4I Pue Anu Ndate ri Peawanya mantoʼo, “Ee komi waʼa nto Isaraeli! Ndikanjoʼumo ri kareʼe mpanyomba anu ri Beteli seʼe, pai ndipowiamo salaa njairia! Ndikanjoʼu ri Giligali pai ndipowiamo salaa gori mpepokono ndayami! Ndiwianakamo mampanyombaka panyomba sampowuro-sampowuro, pai mangkeni sampotila sampuyu ungka ri waʼa mpandatami neʼe bali-bali ri kagananya tatogo ndeme! 5Ndiwianakamo mampanyombaka roti mewali tanda mpontarima kasimi ri Yaku, pai nditoʼo woʼu komi roomo mawai pondangani mpanyombami! Manoto inceʼe anu ndipokawongko mangawianaka!
6Yakumo anu mampakakoyoka komi pari ngkaoro ri pura-pura kotami, paikanya komi bareʼe mewalili ri Yaku. 7Yaku anu maompo katudu uja ri tempo waʼa mpinamuyami mampodaraya kareʼe ue. Yaku da mampatudu uja ri kota anu sambaʼa, pai bareʼe da mampatudu uja ri kota anu ntaninya. Jamaa anu sambaka marata uja, pai jamaa anu ntaninya mangau-ngau. 8Ri bara tesangkuja kota, waʼa ntau banganinya anu malentemo ua maranganga mampepali ue ri kota anu ntaninya, paikanya ue seʼe bareʼe gana. Paikanya mau ewanceʼe, bareʼepa woʼu ndipokono mewalili ri Yaku.
9Yaku mampetawuisika ngoyu anu mapane pai mampakatu ongo anu da majaʼati waʼa mpinamuya sangkani pai waʼa bonde anggoro. Waʼa mpuʼu ara pai waʼa mpuʼu saitu puramo nakoni ntupako. Mau ewanceʼe bareʼepa woʼu ndipokono mewalili ri Yaku.
10Yaku mampakatu juʼa lele ri komi ewa anu kupakatu ri Masiri. Waʼa ntaumi anu mangura Kupepate ri pombetoto, pai waʼa nyarami ndarampa. Yaku mangabangani kareʼe mpokemami pai waʼa wata ngkoro ntau mate anu maʼai ngkajaʼa waunya. Pai mau ewanceʼe bareʼepa woʼu ndipokono mewalili ri Yaku.
11 #
Pal. 19:24
Santila ri komi da Kuʼopisaka ewa kupangaʼopisaka Sodomo pai Gumora. Pai anu tuwupa ungka ri oyomi jamo da ewa tompo ngkaju anu ndanoʼosaka ungka ri apu. Paikanya mau ewanceʼe seʼe katedikanakami, bareʼepa woʼu ndipokono mewalili ri Yaku. 12Inceʼe painaka, ee waʼa nto Isaraeli, Yaku da mangahuku komi. Mewali ndipompatikalimo da mancuaraki popahuku anu da kupapapereka komi!”
13Buyu pai ngoyo, i Pue anu mampareʼe,
rencanaa ndapatongawa ri tolino.
Sira anu mampareʼe reme pai wengi;
ri waʼa lolo buyu ri lino pelinjaa.
I Pue anu makuasa,
inceʼe toʼoa.
Currently Selected:
AMOSI 4: LAIPMF
Highlight
Share
Compare
Copy
Want to have your highlights saved across all your devices? Sign up or sign in
