AMOSI 2
2
Tila Moabi
2:1-3
1 #
Yes. 15:1–16:14, 25:10-12, Yer. 48:1-47, Yeh. 25:8-11, Sep. 2:8-11 Ndatoʼo i mPue, “Waʼa ntau bangani Moabi popangkani-ngkanimo mowia salaa, inceʼe painaka Yaku sangaya-ngaya da mangahuku tau seʼe. Tau seʼe mampetikodi Mokole Edomi anu matemo setu, narongkasi ntau seʼe dayonya nepa naparuru waʼa wukunya napanowa mewali awu. 2Inceʼe painaka Yaku da mampakatu apu ri tana Moabi, pai mampanowa rantani pura waʼa bente Kerioti. To Moabi da mate ri tongo-tongo mpoʼiwali, sindara mpoʼumoni surupeta, pai pekiu mpombetoto ntongo ndapebooka. 3Waʼa ntau makuasa ri Moabi pai pura-pura to poparentanya da kupepate.”
Tila Yahuda
2:4-5
4Ndatoʼo i mPue, “To Yahuda popangkani-ngkanimo masalaa, inceʼe painaka Yaku sangaya-ngaya da mangahuku tau seʼe. Tau seʼe mangalewamo waʼa ncongka-Ku pai bareʼe mangaaya waʼa pompaguru-Ku. Tau seʼe nalingunimo waʼa lamoa ntaninya, anu napanyomba waʼa ntau piamonya. 5Inceʼe painaka Yaku da mangampakatu apu ri Yahuda pai da mangantunju rantani pura waʼa bente Yerusale.”
Popahuku i mPue Ala ri Isaraeli
2:6–3:2
6Ndatoʼo i mPue, “To Isaraeli, popangkani-ngkanimo mowia salaa. Inceʼe painaka Yaku sangaya-ngaya da mangahuku tau seʼe. Tau anu tumoro pai bareʼe nakoto mampapewalili poncabonya, roo napobalu ntau seʼe mewali watua. Ewanceʼe seʼe powia ntau seʼe ri tau kaasi-asi anu bareʼe nakoto mabayari indanya, mau indanya seʼe podo ewa oli ntalupa. 7Tau seʼe mangajeani tau anu malente anu bereʼe rosonya pai marumba tau kaasi-asi. Papa pai ana mosabo-sabo mampowongo-wongoka sambaʼa anamayunu anu weʼa, painaka teposarimo toʼoku anu magali. 8Ri sambaka-sambaka kareʼe mpanyomba, waʼa ntau yore mamporengko baju anu narampa ntau seʼe ungka ri tau kaasi-asi bayari indanya. Ri Banua i mPue Ala ntau seʼe, tau seʼe manginu anggoro anu natima ntau seʼe ungka ri tau anu moinda ri tau seʼe.
9 #
Paw. 3:8-11
Paikanya mau ewanceʼe, ee waʼa ntau-Ku, ua kakominya painaka Yaku mangagero to Amori anu malangkati ewa puʼu ncemara pai anu maroso ewa puʼu nunu. 10Komi kukeni mpesuwu ungka ri tana Masiri, pai kuponinika maliu pada bone ri raya anu opompuyu ntaʼu kasaenya. Tana nto Amori Kuwaika komi mewali tana anu ndipotumpu ngkaliomi. 11#Pai. 6:1-8 Roo kupilisi bara tesangkuja tau ungka ri waʼa anami da mewali nabi, pai bara tesangkuja tau ungka ri oyo waʼa mpemudami mewali tau Nasiri. Ara bemonco anu ewanceʼe, ee to Isaraeli? Yaku, Pue anu mangantoʼomo seʼi.
12Paikanya komi mampapainuka anggoro tau Nasiri, painaka janjiaka tau seʼe malewamo janji. Pai komi mampetangani waʼa nabi da mamparata nuntu-Ku. 13Seʼi-seʼi komi da kuparatutu tudu ri tana, da naka komi mokerente ewa kareta anu buke-buke ndaʼulayaka gandu. 14Sako toposilumba anu makaliki ntano bareʼe da nakoto lapa! Tau seʼe anu maroso da malente, pai tau anu makoje pai makaliki ntano bareʼe nakoto da mancorepaka koronya ngkalionya. 15Topopana bareʼe nakoto da mantaʼamaka toposilumba anu magasi bareʼe nakoto lapa; pai topelamba ri nyara bareʼe da lapa. 16Ri eo setu surodado anu maʼai kakojenya ntano da napalaika parewa mpoʼiwalinya nepa molonco. Yaku Pue anu mompaumo seʼi.”
Currently Selected:
AMOSI 2: LAIPMF
Highlight
Share
Compare
Copy
Want to have your highlights saved across all your devices? Sign up or sign in
