Popular Bible Verses from AMOSI 2

Share

Ndatoʼo i mPUE, “To Isaraeli, popangkani-ngkanimo mowia salaa. Inceʼe painaka Yaku sangaya-ngaya da mangahuku tau seʼe. Tau anu tumoro pai bareʼe nakoto mampapewalili poncabonya, roo napobalu ntau seʼe mewali watua. Ewanceʼe seʼe powia ntau seʼe ri tau kaasi-asi anu bareʼe nakoto mabayari indanya, mau indanya seʼe podo ewa oli ntalupa.

Ndatoʼo i mPUE, “To Yahuda popangkani-ngkanimo masalaa, inceʼe painaka Yaku sangaya-ngaya da mangahuku tau seʼe. Tau seʼe mangalewamo waʼa ncongka-Ku pai bareʼe mangaaya waʼa pompaguru-Ku. Tau seʼe nalingunimo waʼa lamoa ntaninya, anu napanyomba waʼa ntau piamonya.

Tau seʼe mangajeani tau anu malente anu bereʼe rosonya pai marumba tau kaasi-asi. Papa pai ana mosabo-sabo mampowongo-wongoka sambaʼa anamayunu anu weʼa, painaka teposarimo toʼoku anu magali.