Jon. 3
3
Si Jona Masireddet Tuhan
1Panibonangan sikaruania si Tuhan kai Jona. 2Kuanangan: “Kenan ka Niniwe, laggai sabeu nenda samba segeake tiboietku kele sikuakku katubum.” 3Iageti reddetnangan si Jona sikuat Tuhan, einangan leu ka Niniwe, sar laggai bulat sabeu; telu ngagogoi tuenunginia. 4#Mat. 12:41; Luk. 11:32 Gurukinangan leu laggai sabeu nenda si Jona samba lepat aienunginia sangagogoi, taddaakenangan masikua ka tai Niniwe, kuanangan, “Aile epat puluh ngagogoi, imaanau Niniwe nene!”
5Tai Niniwe matonem bagadda ka sitiboi Taikamanua, lulut nenda sangamberi tai Niniwe masiteuake mupuaso, taigoiso samba sabeu, masipakei komang goni masipatoila olei bagadda ka joddra.
6Kele aisege katuareman nene ka rimatadra tai Niniwe, tugorosotnangan ka kudduat purimataatnia. Bukanangan leppei purimataatnia samba leppeiakenangan goni, iageti kuddunia ka abu. 7Ia leuet kalulut parentania rimata samba sangamberi siabeu tiboi tubu kapurimataatnia, segeakerangan sapakoinietdra, kuarangan: “Sangamberi sirimanua, jaui, biribiri samba tarimeu bagei, tamomoi mukom samba mulo. 8Sirimanua samba tarimeu bui tamasipakei komang goni. Sibailiu toggaiat olei baga sangamberi sirimanua bui' tamanindou bulat sibulatnia ka Taikamanua. Sangamberi bui tarapaeru paraboat sikatai samba galai tubu simasun jo. 9Bule Taikamanua isili pinatuNia samba taan mugogoluNia, bailiu taimasubuttangan!”
10Oto Taikamanua itconangan sigalaira; aragalakakean paraboatdra sikatai. Iageti silinangan galaiakenenNia samba tak amuriuriu iukum sia.
Currently Selected:
Jon. 3: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
