Jon. 4
4
Golut Jona samba Katuappekat sibara kat Taikamanua
1Tak masanang si Jona kalulut taamuriuriu aiukum tai Niniwe Taikamanua, abara le golunia. 2#2Mos. 34:6 Iageti panindounangan, “Oi Tuhan, akukuangan tebai siboiki aipeile aku ka laggai kabaraiatku, aipoi bulat nugagalai le kele nene. Iate paluluatnia akutuitui masialiake Spanyol? Kuagaipoi Ekeu le Taikamanua Sipulu nuntut baga samba sipulu katet baga, simaom baga samba simaleppe baga samba simatarek masisaili galaiakenen pasiukuman.
3Kineneiget, Oi Tuhan, alaat le engangku, aipoi meru peile kumatei kapurimanuaiatku kele kisene.
4Aleginangan si Tuhan, “Tak anai paluluatnia ibara golunu kele nene?”
5Iageti bela si Jona ikaddiuake iei ka laggai saigit kabelaiat sulu, pukuddunangan sedda. Galainangan sedda sara sapou samba kuddunia kabagania ipukunem pagalu masingenaake apa muaaili ka laggai Niniwe. 6Iageti tutuakenangan sara siureman siputeteket si Tuhan bule ikunemi si Jona imangka bagania. Si Jona leu bulat ioba siureman nenda. 7Tapoi mancepnia le itaddaake ibela sulu baraakenangan sara leiti Taikamanua sipasigutgutbungat siureman nenda, bailiu malajunangan. 8Kele aibela sulu akenangan Taikamanua rusa simaoloi sibara ka saigit kabelaiat sulu. Malegere ikalapui si Jona kalulut ioraknia torot sulu kele simalalabo utenia. Bara belet bagania samba ioba matei. Kuanangan, “Maeru peile kumatei kele kisene purimanuaiatku.”
9Tapoi kuanangan Taikamanua kamatania, “Ta'anai puteukatnia numareureu baga kalulut sipuaili kasiureman. Aleginangan si Jona,” Angoi poi “Bulat simateunangan le ibara goluku teret matei.”
10Iageti kuangan si Tuhan kamatania, “Siureman nene sangasoibo le aipututu samba malajunangan kasara gogoi, tak anutu'tuake samba tak anupasikeli. Kenanen kele kisedda bulat mareureu bagam kalulut aimalaju. 11Ta pa mareureu bagakku masipaatu Niniwe, laggai sabeu nenda. Aipoi bagei tarimeu tamomoi tuadde iginia, sedda aileuet sangotu rua pulungaribu legei tatoga sitaiagai peile masipabaggei simaeru samba sikatai.
Currently Selected:
Jon. 4: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
