Jon. 2
2
Panindogat Jona
1Kateteret ai si Jona kabagat iba sabeu nenda, panindounangan kai Tuhan Taikamanua,
2kuanangan:
“Oi Tuhan, kagejat bagakku kupusoga katubum,
samba aleginungan aku,
kakudduatdra sirimanua simamatei kutiddou paroman,
arepinungan samba nulelekngake' tiddogetku.
3Nuribbaiake aku ka koat simakeru,
aili ka saisai polak kabagat koat,
sedda te ipapujut aku roirai,
onu samba lektuk masibubuu aku.
4Kuakkungan kapatuatku:
Aituituiakean aku si Tuhan ka mataNia.
Taan kuitco minca
lalep kudduatNia sipunenan.
5Koat aiailingan bibokku,
sangaliot koat ailabbuat tubukku,
lolit bagat koat ailailaiat utekku,
6ka saisai sangamberi leleu.
Malelepkungan ka sasai polak;
matatbaliunia tulekkre kateiteiku teret buruburu.
Kateteret nenda Nuangkkatake engangku sibara ka kamateiat,
ale Tuhan, Taikamanungku. 7Kateteret aimasaggo patuatku katubukku,
repdepkungan si Tuhan,
samba sege panindogatku katubum,
kabagat umam sipunenan.
8Sia sipanindogi sabulungan siboboi,
rakaddiuake Ekeu samba taan mareddet sia.
9Tapoi aku kuuraiake le urai pasiumun Ekeu
samba kubuluake le buluakenen katubum;
sangamberi palelenganku kugagalaiake,
Ekeu poi sipaarau aku.”
10Iageti kalulut pakoiniat Tuhan ka iba sabeu nenda, geleakenangan si Jona ka kapi.
Currently Selected:
Jon. 2: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
