Hos. 6
6
1Kuarangan tai Israel, “Kauan tatoili kam kai Tuhan. Nia le aibesiki sita, tapoi Nia leu et geti masialeake sita. Nia aibaraake maujuta, tapoi nia leu et geti masiappra siorangan ka tubutta. 2Ka bagat rua ele telu ngagogoi nene Nia masialeake sita, samba purimanuantangan ka bagat pupasikelananNia. 3Kalulut nenda kauan tabesiake kam sibulatnia masiagai si Tuhan. Bulat momoi te Nia ka tubutta kele ioi pato, samba kele urat masisuaiji polak kateteret pangampulat teteret simaurat.”
4Tapoi kuanangan si Tuhan, “Ale kam tai Israel samba tai Jehuda! Apa le bulat kugagalai kai ka tubumui” Nuntut bagamui maruei itata kele kujuk ele tinobut kateteret simanceman. 5Iate lulunia Kukokoiniake tai nabiKu addeat masisegeake ka tubumui siteuakenenKu aipoi kam bulat tuukum le samba tumateiake. KiddietKu ka tubumui amakolouan. 6#Mat. 9:13, 12:7 Bulat siobaKu nuagai kam Aku samba mariuriu nupununtuki kam Aku baga, bele pei nupasilabo samba nupanguruatnake kam buluakenen ka tubuKu.
Si Efraim ta ioba ibauake patuatnia
7Tapoi kele kai Adam, anupasabau kam palelenganmui ka tubuku. 8Gilead iate laggai kudduat sikatai samba sipamamatei; 9Tai Imam ka laggai nenda makere le mungkuat sipasiraraurau sikrekreake sirimanua situsasabau. Ka enungan masiailiake kudduat sipunenan ka Sikhem leuet ragalaiake pamamatei! Sangamberi pukakatai nenda sipali' le ragalaiakenia. 10Ka Israel aku sibabara kalotoakenen; paamianku rabuluiji sabulungan masipalolit tubudra.
11Pagalaiat kam ale tai Jehuda, Akuteuakean teterenia masiukum kam leu et kalulut sigalaiakenenmui.”
Currently Selected:
Hos. 6: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
