USOLWELO 13
13
1Mba namanyine ha masekeseke a ku kalunga-lwiji.
Namwene ngongo kanatuhuka mu kalungalwiji, kali ni kumi lia mbinga ni mitwe shimbiali, ni ha mbinga jenyi kumi lia yipangula, ni ha mitwe yenyi majina a kushililika.
2Ni ngongo yoze namumwene walifwile ni kangwili, ni makata jenyi ngwe makata ja #13.2 Umwe kashitu munene mulá wa tachi.ursu: ni kanwa lienyi ngwe kanwa lia ndumba: ni ndragau wamuhele tachi jenyi, ni ngunja yenyi, ni poko yenyi yinene. 3Namwene umwe wa ku mitwe yenyi ngwe aushihile ndo ku kufwa; ni mbandu yenyi ya kufwa ayiwukile: ni akwa hashi eswe akawile ngongo nikukomoka. 4O awayilile ndragau, mumu wahanyine poko kuli ngongo, o awayilile ngongo, ngwo, Iya malifwa ni ngongo? Iya mahasa kwasa nenyi jita?
5Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali. 6Iye wapakwile kanwa lienyi akashililike Zambi, mukushililika jina lienyi, ni muma mwenyi mwa kutwama, ni waze akutwama mwilu. 7Amuhelecho kwasa jita ni asandu, mukwakumba: amuhele poko helu lia minyachi yeswe, ni atu eswe, ni malimi eswe, ni mavungu eswe. 8Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi. 9Kachi umwe uli ni matwi, evwe.
10Kachi umwe matwala ku ufunge,
kachi makaya ku ufunge:
kachi umwe mashiha ni katana, kachi chatamba kumushiha ni katana.
Muno muchili che kunyongonona ni Ufulielo wa asandu.
11N amwene ngongo mukwo kanavumbuka, iye wapwile ni mbinga jiali ja kulifwa ni mwana-panga, wahanjikile ngwe ndragau. 12Iye yalinga ni poko yeswe ya ngongo mutangu kumeso jenyi. Yakoka hashi ni waze akutwamaho kuwayila ngongo mutangu, yoze mbandu yenyi ya kufwa ayiwukile. 13Iye yalinga yilayi yinene, chocho chipwe mahulumwisa kahia ka mwilu hashi kumeso ja atu. 14Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono. 15Mba amuhelecho mukuhana mwiku ku kaponya ka ngongo hanga kaponya ka ngongo akahanjike, akashihe waze eswe keshi kuwayila kaponya ka ngongo. 16Iye yakoka eswe, ni akepe ni anene, ni pichi ni yiswale, ni enya chifuchi ni ndungo, akaahe mufunda ha moko jo a chindume, hanji ha mahuma jo; 17hanga niumwe kechi kuhasa kulanda, hanji kulanjisa, shina yoze uli ni mufunda, te jina lia ngongo, hanji chize analula jina lienyi. 18Muno muli mana, yoze ukwete malinjekela, alule chize analula ngongo; mumu chize anamwalula chize analula mutu: ni chize anamwalula ngwo, Kulakaji asambano ni makumi asambano ni sambano.
Currently Selected:
USOLWELO 13: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
