USOLWELO 12
12
1Chilayi chinene chamonekene mwilu: pwo kanazala tangwa, ni kakweji kushi lia yiliato yenyi, ni ha mutwe wenyi chipangula cha kumi lia matongonoshi ni matongonoshi aali. 2Iye kali ni ufumba; kanatete nikufumbajala, ni kupinda aseme. 3Chilayi chikwo chamonekene mwilu: kumanyi, #12.3 Kashitu munene mupi, ngwe lungandu. ndragau muchila munene, kali ni mitwe shimbiali, ni kumi lia mbinga, ni ha mitwe yenyi yipangula shimbiali. 4Ni muchila wenyi wakokele chihanda chimuwika cha ku yihanda yitatu ya matongonoshi a mwilu, iye waanyashine hashi: ni ndragau yamana kumeso ja pwo yoze himasema, hanga muze hasema, akawumbule mwanenyi. 5Iye wasemene mwana-lunga, yoze mayula mavungu eswe ni mbwechi ya utale; apindumwine mwanenyi kuli Zambi, ni ku ngunja yenyi. 6Ni pwo wachinyinyine ku puya, kuze kuma akwete kwa kululika kuli Zambi, hanga akamuhokeleko kanunu ka matangwa ni kulakaji aali a matangwa, ni makumi asambano a matangwa.
7Mba mwapile jita mwilu, Mikele ni angelo jenyi ashile jita ni ndragau; ni ndragau ni angelo jenyi ashile jita; 8aiioze kakumbileko, chipwe chihela cho kachiwanyine nawa mwilu. 9Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi. 10Mba nevwile liji linene mwilu ngwo, Haliapwila ulamwino, ni tachi, ni wanangana wa Zambi yetu hiuneza, ni yiyulo ya Kristu yenyi: mumu hananyase hashi mukwa kusuma mandumbu jetu, yoze wakwasuma kumeso ja Zambi yetu mwalwa ni ufuku. 11O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa. 12Kashika ivwenu chiseke, yenu malilu, ni yenu nwakutwamamo. Lamba kuli akwa hashi ni ku kalunga-lwiji: mumu Ndiapu hanahulumuka kuli yenu, kali ni ufwatulo unene, kananyingika mwaka ukepe wika akwete.
13Muze ndragau amwene hanamunyase hashi, wahungumionene pwo yoze wasemene mwana-lunga. 14Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela. 15Ni kapela watuhwishile mu kanwa lienyi kunyima lia pwo meya ngwe lwiji, hanga akamuhungumune ku mihwiji. 16Ni hashi hakwashile pwo, ni hashi hapakwile kanwa liaho ni hashi haminyine mihwiji yize ndragau Watuhwishile mu kanwa lienyi. 17Ni ndragau watenukine ni pwo, wayile mukwasa jita ni masalila ja munyachi wenyi, waze akufunga shimbi ja Zambi, kanda waze ali ni Shindakenyo ya Yesu.
Currently Selected:
USOLWELO 12: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
