Popular Bible Verses from USOLWELO 13

Share

Muno muli mana, yoze ukwete malinjekela, alule chize analula ngongo; mumu chize anamwalula chize analula mutu: ni chize anamwalula ngwo, Kulakaji asambano ni makumi asambano ni sambano.

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Iye yakoka eswe, ni akepe ni anene, ni pichi ni yiswale, ni enya chifuchi ni ndungo, akaahe mufunda ha moko jo a chindume, hanji ha mahuma jo; hanga niumwe kechi kuhasa kulanda, hanji kulanjisa, shina yoze uli ni mufunda, te jina lia ngongo, hanji chize analula jina lienyi.

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.

Mba namanyine ha masekeseke a ku kalunga-lwiji. Namwene ngongo kanatuhuka mu kalungalwiji, kali ni kumi lia mbinga ni mitwe shimbiali, ni ha mbinga jenyi kumi lia yipangula, ni ha mitwe yenyi majina a kushililika.

Amuhelecho kwasa jita ni asandu, mukwakumba: amuhele poko helu lia minyachi yeswe, ni atu eswe, ni malimi eswe, ni mavungu eswe.

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono. Mba amuhelecho mukuhana mwiku ku kaponya ka ngongo hanga kaponya ka ngongo akahanjike, akashihe waze eswe keshi kuwayila kaponya ka ngongo.

Ni ngongo yoze namumwene walifwile ni kangwili, ni makata jenyi ngwe makata ja ursu: ni kanwa lienyi ngwe kanwa lia ndumba: ni ndragau wamuhele tachi jenyi, ni ngunja yenyi, ni poko yenyi yinene.

Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali.

Namwene umwe wa ku mitwe yenyi ngwe aushihile ndo ku kufwa; ni mbandu yenyi ya kufwa ayiwukile: ni akwa hashi eswe akawile ngongo nikukomoka.

N amwene ngongo mukwo kanavumbuka, iye wapwile ni mbinga jiali ja kulifwa ni mwana-panga, wahanjikile ngwe ndragau. Iye yalinga ni poko yeswe ya ngongo mutangu kumeso jenyi. Yakoka hashi ni waze akutwamaho kuwayila ngongo mutangu, yoze mbandu yenyi ya kufwa ayiwukile.