MIKA 2
2
1Lamba kuli waze akutaka ungulungulu,
nikunyonga yipi ha mihela yo!
Mu kucha mayilinga mumu machihasa ni tachi jo.
2Kakuvwila kuzo ya minda, mba mayitambula.
Kakuvwila kuzo ya mazuwo, mba maachiza.
Kakupinjisa mutu ni zuwo lienyi,
ni mutu ni chihinga chenyi.
3Kashika Yehova kanambe ngwenyi,
Ha kutwala ku munyachi uno
ngunanunyongena chuma chikalu;
kunuchi kahasa kutusulako makota jenu.
Kunuchi kenda nawa nikulizelula
mumu muchikapwa mwaka upi.
4Ha tangwa lize makanwimbila mwaso wa kuchoka
makalila mbimbi ni liji lisasu.
Makamba ngwo, Hanatulumbula liakulu.
Hanalumuna chihinga cha atu jami.
Kanachichiza kuli yami Chichize!
Kanapangila minda yetu hakachi ka akwa kutukwata.
5Kashika kuchi kapwa ni mutu yoze manufunjikila chihinga cha kukupwila mu chikungulwila cha Yehova.
6Kakwamba ngwo, Kanda nwambulula!
Kuchatambile kwambulula yino yuma;
mumu kusauka kuchichi katuwana.
7Enu munyachi wa Yakomba, te chinawaha kuhanjika chocho?
Te Spiritu ya Yehova kakulipupula?
Yitanga yino te niyenyi?
Te maliji jami kalingile chipema
kuli yoze menda ni kululama?
8Alioze yenu nwakukatukila atu jami ngwe akwa kole;
nwakuzula hina lia ngungu kuli mukwa sambukila
ni kuli waze kanapalika nikunufuliela,
kanyongene jita.
9Mapwo ja atu jami nwakwahuma ku mazuwo jo apema.
Nwakuchiza uhenya wami kuli ana jo akepe ndo ku miaka yeswe.
10Katukenu, yénu,
hi kuno ko munuhasa kuhwimina ha mukunda wa luchisa umwe wa kwonwona
ni kwonwonachipi.
11Nyi mutu mendangana nikwambulula fuji ni mahuza ngwenyi,
Mungunulumbunwina yuma ya vinyu ni kunwa chisasu
kachi mwenawo mapwa Chilumbununyi wa wano atu!
12Enu A-Yakomba, pundu mungukanukunga eswe;
mungukakunga masalila ja Izalele.
Mungwasela hamuwika ngwe mapanga mu limba;
ngwe mbunga ya mapanga ku ulilo wo;
mbunga ya malunga ni chimbangwinya.
13Mukwa kulokola kumakaatetekela;
o makalokola, makanjila ku chikolo nikutuhukilako.
Mwanangana wo makaatetekela;
Yehova kulutwe lio.
Currently Selected:
MIKA 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
