Rom 12

Heb nongen le ndro su ber lodu ad Jesu. Su hengen le ndro Jehova mandrsu, ma ndoui asu.

1Mu ndere hian, io ndemani mu, hanguruen gahaloseli ad Jehova manden le bergolmu e dirhor le ndro i mandrmu. Aga dirhor helian, hian, mamaren ge. Jehova i mugueni dirhor dagara. I ha lengi lodu ademu le ndro i dege ogoro. 2Mbue mu dogi dege su ndramed masi ber gor, ha belueni bern ademu, ibdi bern houen, boen danmu, sehe longu i hian, sehe longu i momen, danmu, sehe longu Jehova i ha lengi, danmu hanguruen longu masi hian, longu masi monen ge.

3Io ha lengi gle ndoui ad Jehova, gle golnisden aden, i da le bergolo, mbue hanguruen hian manden ge le ademu, mu hanguruen longu masi monen le bergolmu, gle ndoui ad Ndorlaben, i da gin boro i, aga memrad ber lang Jehova gin daui le bergoln ad homo ma homo. 4Ida le mandru, ndegen e nemen, begmarn e delengan, hendre e hendre, ndegen i da bo mburer aden, nemen i da bo mburer aden, begmarn i bo mburer aden. 5Iou mabosanged dagara, iou masigane mandrn ad Jesu Kristo. Iou longu hagi e hagi ber mandrn ad Jesu Kristo. 6I gin daui me ndro du mburer heb le ndro homo, ma heb le ndro homo, dege i ha lengi. 7Ar Jehova gin hengen le ndro homo, i danen bohernou hian, i ghinen mburer ogo gle ndoui ad Ndorlaben. Ar homo i danen sobani su ndere le memrad, de gle mburer aden, i ghinen mburer ogo. Ar homo i danen henunuen su hian i ghinen mburer ogo ad hom ndremda henunuen su. 8Ar homo i danen bogulue su, i gob mburer ogo hian, ar homo i sobani su ndramed gle memrad aden, i ghengen le ndro su gmonen ge. Su ndremda bogulue su, su gob mburer asu hian ge, su da bo mburer le golnisden asu, su mugmug ge le mburer asu.

9Golnisden ademu i gmonen ge, mbue bahilou gleri. E bieni longu masi momen, ghanguruen longu hian ge. 10Homo i golnisden ndern hian monen ge, homo i mugueni homo monen ge. 11Mandrmu i de berad bui le mburer hian, gob mburer ad Ndorlaben gle meluamu ndoa. 12Gu mugmug ge, ar mu belengeni longu ber muren. Ndrnemu de gus bui le rang ademu momen, mu ha raring ge sidesi. 13Be su lao ad Jehova, su de horuan bui le gor ademu, osbani su. Ha somui su ber gor manan, su da gin meher le um ademu. 14Hengen hian ge le ndro su, su da hingismad ademu, hengen hian le ndro su ge, mbue boii su. 15Ha mugmug ge, bersi le ndro su, su da mugmug. Ha dang, bersi be su da dang. 16Lug benu le ndro su, su da baghege ndro mu. Mbue hanguruen longu manden ge, dege su labenen su ghinen i, hian mu da le molengasu ndramed molhe lie. Mbue hanguruen, danmu longu masigane. 17Mbue surien longu momen gle momen. Hanguruen longu hendre e hendre hian ge dege su ndramed mugueni i. 18Benu i da ndro mu, lug beno le ndro homo ma homo. 19Mu ndere hian, mbue surien longu momen gle momen, ha daui gord le ndro Jehova, gus aden ge i gsurien i, dege su gin hondre goru: Mburer le surian ordo ge, io beg surien longu asu momen, aga nongen ad Jehova. 20Be ndremda rah adem i mundrul, ghengen le ndro i le gan, be goln i mar, ghengen le ndro i le ndran, be uo da hinen dagara, longu ademu i dege moan le ndro i, i da le borbalen. 21Longu momen de ndounen uo bui, e ndounen longu momen, surien longu momen gle hian ge.

Currently Selected:

Rom 12: LLENT

Highlight

Copy