Popular Bible Verses from Rom 12

Share

Mbue mu dogi dege su ndramed masi ber gor, ha belueni bern ademu, ibdi bern houen, boen danmu, sehe longu i hian, sehe longu i momen, danmu, sehe longu Jehova i ha lengi, danmu hanguruen longu masi hian, longu masi monen ge.

Mu ndere hian, io ndemani mu, hanguruen gahaloseli ad Jehova manden le bergolmu e dirhor le ndro i mandrmu. Aga dirhor helian, hian, mamaren ge. Jehova i mugueni dirhor dagara. I ha lengi lodu ademu le ndro i dege ogoro.

Gu mugmug ge, ar mu belengeni longu ber muren. Ndrnemu de gus bui le rang ademu momen, mu ha raring ge sidesi.

Longu momen de ndounen uo bui, e ndounen longu momen, surien longu momen gle hian ge.

Homo i golnisden ndern hian monen ge, homo i mugueni homo monen ge.

Golnisden ademu i gmonen ge, mbue bahilou gleri. E bieni longu masi momen, ghanguruen longu hian ge.

Benu i da ndro mu, lug beno le ndro homo ma homo.

Mu ndere hian, mbue surien longu momen gle momen, ha daui gord le ndro Jehova, gus aden ge i gsurien i, dege su gin hondre goru: Mburer le surian ordo ge, io beg surien longu asu momen, aga nongen ad Jehova.

Mandrmu i de berad bui le mburer hian, gob mburer ad Ndorlaben gle meluamu ndoa.

Io ha lengi gle ndoui ad Jehova, gle golnisden aden, i da le bergolo, mbue hanguruen hian manden ge le ademu, mu hanguruen longu masi monen le bergolmu, gle ndoui ad Ndorlaben, i da gin boro i, aga memrad ber lang Jehova gin daui le bergoln ad homo ma homo.

Mbue surien longu momen gle momen. Hanguruen longu hendre e hendre hian ge dege su ndramed mugueni i.

Lug benu le ndro su, su da baghege ndro mu. Mbue hanguruen longu manden ge, dege su labenen su ghinen i, hian mu da le molengasu ndramed molhe lie. Mbue hanguruen, danmu longu masigane.

Be ndremda rah adem i mundrul, ghengen le ndro i le gan, be goln i mar, ghengen le ndro i le ndran, be uo da hinen dagara, longu ademu i dege moan le ndro i, i da le borbalen.

Hengen hian ge le ndro su, su da hingismad ademu, hengen hian le ndro su ge, mbue boii su. Ha mugmug ge, bersi le ndro su, su da mugmug. Ha dang, bersi be su da dang.

Be su lao ad Jehova, su de horuan bui le gor ademu, osbani su. Ha somui su ber gor manan, su da gin meher le um ademu.

Ida le mandru, ndegen e nemen, begmarn e delengan, hendre e hendre, ndegen i da bo mburer aden, nemen i da bo mburer aden, begmarn i bo mburer aden. Iou mabosanged dagara, iou masigane mandrn ad Jesu Kristo. Iou longu hagi e hagi ber mandrn ad Jesu Kristo.