Boharni ad Johanes 8
8
I rumburdi buk le vas si lie.
1Muren Ndurmeh i rumburdi buk le vas si lie. Be i gin hinen i dagara, e lele le lundielang su gina simge le taim murai ge. 2Io ilndri su Angelo manondrdilmou su da le bormarn ad Jehova. Su gin hengen le ndro su musik manondrdolo. 3Muren hom Angelo gin meher, lus ber gold i da le nemen, i meher baghege le geao ad Jehova. Su gin hengen le ndro i longu ngonhondonreen dsoln, i daui i ndre geao ad Jehova ber gold i da baghege le lognan ad Jehova, la born ndro raring asu lao helian. 4Gusmoan ber longu ngonhondonreen i gobad la born ndro raring asu lao helian, i gobad, i iad le ndro Jehova ge. 5Muren Angelo i hedi lus aden ber ngohondonreen, i huri rem moan, i da le logna dohor, i bieni i le boan. Malabo barr manden i da le gor boan, ngasen le barr mandromai, e ndremla, gor boan i nunueie.
Gelman le ndah manondrdolo.
6Muren su Angelo manondrdilmou, ndah manondrdolo i da le nemesu su beg hinen ndah. 7Angelo homo i hinen ndah, malabo moan ma lengen ber ais, dagara ndrai gin los le boan. Madulsal ber boan, ber gei ber lomondriu gina meng, moan gin dilmui.
8Boen Angelo homo i bo ndah, malabo moan manden ge, i dege bahali mandromai ber moan i gin los le ndas, ndas sohal i dege ndrai. 9Ni sohal ber ndas ginmad, ma su ndol, su da le ndas sohal gin lol.
10Muren hom Angelo i bo ndah: Biri manden gin los, i dege sul mandromai i gin los le ndran, le sohobern ndran ber boan. 11Ndran sohal ber boan gina momen ge, gina ngahan. Su ndramed mabosanged su ginmad, be su gin ilmui le ndran ogo, ndran ngahan ge. Su ha bosoui ngarn le biri ogo ngahan.
12Hom Angelo i bo ndah lie: Mernal sohal, mbul sohal, ma biri sohal gina momen ge. Sohal ber mernal, ber vara, ber biri gina ndrogum gane, sohal ber rang gina ndrogum, dagara lobing.
13Muren io gin ilndri, io gin lele manuai si i da voh le belengan manan ge, i loh le ngasen ndoun, i bai: Su momen, momen, momen gane su ndramed ber boan, be su Angelo madilmou su dandon, su gob ndah lie.
Currently Selected:
Boharni ad Johanes 8: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
