Boharni ad Johanes 7
7
Johanes i ilndri su, Ndorlaben gin eloh su le gor masi.
1Muren io gin ilndri su Angelo mahamou, homo i da le ndolou, homo i da le gub, homo i da le hai, homo i da le rai, su mahamou ogo su gin hosi ior ber boan, debosan hai, de gub, de ndolou, de rai i ngoh le boan, i ngoh le ndas, i ngoh le lonhou. 2-3Muren io gin ilndri hom Angelo i da le rai i gobad le belengan gelman ad Jehova i da mamaren ge, i da ndro i. I loh su Angelo mahamou, Ndorlaben gin rendegien su, su gob momen le gor boan, ma le ndas, I vong le ndro su le ngasen ndoun, i bai: Mbue gob momen le gor boan, mbue gob momen le ndas, ma le lonhou, hanu iou beg daui gelman ad Jehova le bombulsu lao dandendegei aden. 4Boen io gin hirong, su gin daui gelman ad Ndorlaben Jehova le bombulsu masehe aga su mabosanged mabohangul e mahabou asu Israel ber boan. 5-6Su ber um ad Juda su mabosungul e rubou gin ibdi gelman ad Jehova, su ber um ad Ruben su mabosungul e rubou, su ber um ad Gad su mabosungul e rubou, su ber um ad Aser su mabosungul e rubou, su ber um ad Navtali mabosungul e rubou, su ber um Manase mabosungul e rubou. 7Su ber um ad Simeon mabosungul e rubou, su ber um ad Levi mabosungul e rubou, 8su ber um ad Isaar mabosungul e rubou, su ber um ad Sebulon mabosungul e rubou, su ber um ad Josev mabosungul e rubou, su ber um ad Beniamin mabosungul e rubou su da gin ibdi gelman ad Ndorlaben i gina le bombulsu.
9Boen io gin ilndri longu hendre dege ogoro: Io gin ilndri su ndramed mabosanged, mabosanged ge, homo de danen nemeni su bui, su ber gor masigane ber boan, su ber horo ma ber horo, su ber hai ma su ber rai, su ber ndolou ma su ber gub. Su masi gin me goure, su da baghege le lognan ad Jehova, ma le logna ad Ndurmeh ad Jehova. Salo asu beren ge, lougei niu i da le nemesu. 10Su loh le ngasen ndoun, su bai: Iou bamugueni Ndorlaben Jehova adu, i da le logna aden, iou bamugueni Ndurmeh ad Jehova. 11Malabo su Angelo masi, su da gin lugmuni lognan, ma su labenen, dagara su mahamou, su gin los baghege le lognan, su godurhu ngondrnegesu, su bo lodu le ndro Jehova, 12su loh, su bai: Amen. Io bamugueni Jehova ma engerang aden, ma ndoui aden, i da ndoa le longu masigane, i danen longu masigane, engerang i da ndro i ge, iou bamugueni Ndorlaben adu bing si e rang si sidegesi, Amen.
13Homo asu labenen i lug bohon, i vong me ndro io: Su sie, su da hivane le salo asu beren ge, su gin meher oho? 14Io vong le ndro i, io bode: Ndorlaben io de dono i bui. Uo danem. Boen i vong me ndro io: Su gorbo su gin meher le gor boan momen, be rang momen gin meher ndro su, be ngendiasu dsoln, be su ndramed ber boan gin bo momen le ndro su. Su gin surhi salo asu, su gin surhi salo asu le ndrai ad Ndurmeh, salo asu gina beren gane. 15Malabo su da baghege le lognan ad Jehova, su da bo lodu le ndro i lorang e lobing le um aden, i ge, i da lugdo im lognan, i mengseni um hom le ndro su. 16Su de mundrul bui, golsu de mar bugane, mernal de ngendehan le ndro su bui, heb longu momen de meher ndro su bugane. 17Ndurmeh i da le dogro lognan, i gobgulue su, i dulieni su le ndran mamaren. Jehova i esbui ndurmarsu, i da le begmarsu giao.
Currently Selected:
Boharni ad Johanes 7: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
