Boharni ad Johanes 9
9
1Muren Angelo homo i bo ndah: Io gin ilndri biri si i da le lang, i gin los le boan, ki ber gor ndrogmoan i da ndro i. 2-3I audi babi ber gor ndrogmoan: E lele, gusmoan mandromai i da gin meher le lundie. I gin nhui mernal, gor masi i beb ge le gusmoan, i gina ndrogum ge. Gusiandas mabosanged gin meher le gusmoan ogo, ndoui i da ndro su, dege ndoui asu simburngai dansu bo ngendian le ndro su. 4Ndorlaben i vong le ndro su, mbue su gien lomondriu ber boan, mbue su gien louge ber gei, su gien su ndramed ge ber boan, gelman ad Jehova i da le bombulsu bui. 5Ndorlaben i vong le ndro su, mbue su daii su ndramed, su gob ngendian le ndro su ge le vara malima, ngendiasu ndramed dsoln, ngendiasu ber simburngai be i gien hom ndramed. 6Le rang ogo su ndramed su ha lengi, su ga med, de dansu ga med bui, bergolsu gunuen hi bui, su ha lengi homo i daii su, homo de danen daii su bui. 7Gusiandas ogo su dege hors, su da hilou gle bahun, salion ber gold i da le balsu hors, bormarsu hors i dege bormarsu ndramed. 8Lomon hors i eluen dege lomon asu bihin. Lehesu hors i dege lehen ad laion. 9Gogon hors i ndoun ndoun dege aiern. Ngasen le nemesu, i dege ngasen ber motorkar, dege ngasen, be hors su da hilou le bahun. 10Gelben asu hors i dege gelben ad simburngai, ndoui manden i da le gelbesu, su bo ngendian le ndro su ndramed le vara malima. 11King asu hors ogo, aga Angelo ber gor ndrogmoan, ngarn aden le nongen asu Hebru i vonei Abadon, le nongen asu Grek i vonei Apolion. 12Momen si hanu gina boen, longu momen maruo ir belengen su.
13Malabo hom Angelo i bo ndah lie. Malabo iou hirong ngasen ad homo, ngasen i gin meher le gersen maha ber geao ad Jehova, geao ber gold i da le bormarn ad Jehova. 14Ngasen ogo i vong le ndro Angelo, i gin hinen ndah, i bai: E rumburdi su Angelo mahamou, su gin hosi su, su da le ndran mandromai ngarn Euvrat. 15Malabo Angelo ogo i rumburdi su Angelo mahamou le vas asu. Su da gin belengeni le rang, le vara, le kristmas, su beg daii su ndramed ber boan madulsal. 16Su hors maberunged mabusobu io gin hirong, ar homo gin nemeni su. 17Io gin ilndri su hors ma su ndremda hors, su da lugdo im ri, su dege ogoro: Golos asu ber aiern i ramen, i doruan dagara ngongohan, balsu hors i dege balsu laion, moan e gusmoan e longu momen i mbsig le bohosu. 18Su gin bo momen le ndro su ndramed, su ndramed madulsal ber boan su ginmad, le moan, le gusmoan, ma le longu momen i da gin mbsig le bohosu hors. 19Ndoui asu hors i da le gohosu, ma le gelbesu. Gelbesu i dege moad, balmoad i da ndro su, i bo momen ndro su ndramed. 20Su ndramed su de ginmad le ngendiasu bui, su de belueni bern asu bugane. Su ndoun ndoun, su dohor le ndro su beld dege goru. Su hanguruen longu molhege ber memrad asu, aga longu molhege ber boan ndangen. 21Su de gin belueni bern asu bugane su daiiandramed, su da dungi su ndramed, su da bo longu sungsou, su da behena ge.
Currently Selected:
Boharni ad Johanes 9: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
