Boharni ad Johanes 5
5
Nongen le buk su gin hosi maberndrdolo.
1Boen io gin ilndri buk si i da le nemen sengen ad Ndorlaben, i da lugdo im logna aden, nongen i da le buk, su gin hosi buk ogo maberndrdolo, debosan homo i lele lundiebuk. 2Muren io gin ilndri Angelo manden ge, i loholo de ngasen ndoun ndoun, i bai: Sie i vonei le rumburdi buk ogo, su gin hosi i ndoun? 3Homo ber lang de ber boan de behendra boan de danen ilndri buk ogo bui, i ndoa le rumburdi vas ber buk bugane. 4Be io gin ilndri, homo i do da bui, i danen rumburdi vas ber buk, i danen ilndri nongen i da le buk, io gin reng. 5Homo asu labenen i vong me ndro io: Mbue reng, e lele, Laion ber um Juda, aga ngondrn ber gei David, i gin hinen i, i danen rumburdi buk ogo le vas aden. 6Boen io gin ilndri le dogro, i Ndurmeh homo i dege i Ndurmeh su gin daii i, nusuen manondrdolo i da le balen, dagara begmarn manondrdolo i da ndro i, aga Meluan manondrdolo ad Jehova, i da gin rendegien su le gor boan. 7Ndurmeh gorbo i hedi buk, i da le nemen sengen ad Ndorlaben ndre logna aden.
8Be i gin hedi buk le nemen aden, su mahamou, ma su labenen marungul e hamou su los le boan, su godurhu ngondrnegesu, le ndro Ndurmeh. I da le nemen ad homo ma homo musik si, ma lus ber gold, longu ngohondonreen i do dari, aga i vonei raring asu lao aden helian. 9Su gagaile sing si houen, su gagaile, su bai: Uo ge, uo vonei le hedi buk, le rumburdi i le vas aden. Su gin daii uo, uo gin somui ri, uo gin semani le ndrai adem su ndramed ber gor masigane, uo gin regunha su le ndro Jehova. 10Uo gin hinen su, su King, ma su Prister le ndro Jehova Ndorlaben adu, ndangen su gob mburer asu King le boan. 11Boen io gin ilndri longu hendre, io hirong ngasen asu Angelo mabosanged su da lugmuni lognan ad Ndorlaben, ma logna asu mahamou, ma logna su labenen marungul e hamou. Su mabosungul mabermabosungul, su masobu mabersobu, 12su loh le ngasen ndoun, su bai: Ndurmeh su da gin daii i, aga i vonei, Ndorlaben i daui le ndro i ndoui, e memrad e mugueni adu ma engerang. 13Su masigane su da le lang, su da le boan, su da le lundieboan, su da le ndas, longu masigane i do dari, io gin hirong ngasen asu, su loh, su bai: Iou bamugueni i ge, i da ndre logna aden, io bamugueni Ndurmeh, ndoui ma engerang ad Ndorlaben i da ge ndro i sidegesi. 14Su mahamou su vong, su bai: Amen, su labenen su los le boan, su bo lodu le ndro i.
Currently Selected:
Boharni ad Johanes 5: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
