Boharni ad Johanes 4
4
Johanes i ilndri logna ad Jehova.
1Boen io gin ilndri longu hendre dege ogoro: Io gin ilndri babi ber gor lundielang, i deh, ma ngasen ad homo ber hanu i da gin vong me ndro io, i dege ngasen ber musik manden ge, i vong me ndro io, i bai: Am le belengan, am ogo, io beg bosilieni le ndro uo longu hendre e hendre ber muren. E lele ndoui ber lang gin meher ndro io. 2Io gin ilndri logna King ber gor lundielang. Homo i da le logna ogo, 3i dege bad iaspis e karneol, i hinganen manden ge, molou i da lugmuni logna aden, i dege smaragd ndangen. 4Logna marungul e hahu i gulmuni logna ad King. Su labenen marungul e hamou su da lugdo mi logna asu, salo asu beren ge, salion ber gold i da le borbalsu. 5Logna ad King ogo, aga logna ber ndremla e barr. Sul manondrdolo i da iad baghege le lognan. Aga Meluan manondrdilmou ad Jehova. 6Lognan manden i da baghege le logna ad King i dege ndas ber glas, i hinganen manden ge. Su mahamou su da baghege le lognan King, begmarsu magosanged le bormarsu ma le ndrbosu. 7Homo hanu i dege laion, homo i dege bulmagou, homo bormarn i dege bormarn ad hom ndramed, homo i dege manuai manden i da voh le belengan. 8Su mahamou ogo nemen asu manono, dege nemen ad ndorgan, begmarsu dsoln le mandrsu, le horo ma le horo. Lobing e lorang su loh, su bai, helian, helian, helian Ndorlaben Jehova, i da ndoa le longu masigane, i da nandugian, i do da malabo, i gmeher muren. Su de gin hengang hebsa bui. 9Be su mahamou ogo gin mugueni i ge, i da ndre logna aden, i mamaren sidegesi. 10Su labenen marungul e hamou su los le ngondrnegesu baghege le logna King, su bo lodu le ndro i, i da mamaren sidegesi, su hedi salion asu le borbalsu giao, su ilgi su baghege le logna ad King, su vong, su bai: 11Ndorlaben adu Jehova, uo da helian ge, i vonei be iou bamugueni uo le nongen adu, uo ge, uo gin mengseni longu masigane, longu masi gin meber dege uo ha lengi, uo da gin mengseni i.
Currently Selected:
Boharni ad Johanes 4: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
