Boharni ad Johanes 20
20
Su hosi Satan le kristmas masobu.
1Muren io gin ilndri hom Angelo i gin me lang, ki ber gor ndrogmoan i da le nemen, dagara vas ndoun ndoun. 2I hosi mbuei, aga moad ber goru, aga i vonei beld Satan, i hosi i le kristmas masobu. 3Muren i bieni i le gor ndrogmoan, i vadi babi ndoun ndoun, debosan beld Satan i seslaini gor masi le kristmas masobu. Kristmas masobu boen, su rumburdi i le vas aden. I ghilou le taim murai ge. 4Boen io gin ilndri lognan, i dege lognan asu ndremda gord. Su ndremda gord su lugdo im ri, su beg bo gord le ndro su. Muren io gin ilndri meluasu ndramed, su ber boan gin daii su, gin sindrdi balsu boharni. Su de gin dohor le ndro longu, i da gin le nongen ad Jesu, ma le nongen ad Jehova su gin meher goru bui, su de gin bo lodu gle sameluan aden bugane, su de gin ibdi gelman aden le bombulen de le nemen bui. Su gorbo, su masigane su mamaren, su King la born ndro Kristo gle kristmas masobu. 5Su ndramed masi ber boan su da ginmad, su de gin ndne lie le kristmas masobu bui. Su holel hanu su gin ndne lie le ngad asu. 6Homo i horuan, i helian ge, be i gedne hanu la born ndro su holel, su de so mad bui, su Prister ad Jehova, su King ad Kristo, su la born ndro i le kristmas masobu.
Bahun ad Satan le ndro su helian. Satan i los sumburdi.
7Kristmas masobu boen, su rumburdi beld Satan le kalabus aden. 8Muren i hilou, i gseslaini su ndramed ber boan, su da le hai, su da le ndolou, su da le gub. I loh ndurhian asu ngarn Gog sor Magog su gme goure, su gob bahun le ndro Jehova. Su mabosanged mabosanged, dege duruon ber leng. 9Su masi gorbo su gobad ndre bahali, su lugmuni logna asu lao helian ad Kristo, su do da le gor Jerusalem. Malabo moan ber lang i ndrud le boan, i dilmui su ndremda rah ad Jehova sumburdi, su da gin seslaini su ndramed ber boan, 10dagara ndurhian asu, aga beld Satan, su gin bieni su le moan, longu ber goru i da gin meher, i do da ri, dagara Provet ber bahilou. Su do da le moan bing si e rang si, lobing e lorang sidegesi. Ngendiasu de so hengang bui. 11Muren io gin ilndri lognan manden beren ge. I ge, i lugdo im ri, gor boan e lang i vob le bormarn, logna aden i do da bui, su gineao gane. 12Io gin ilndri su ndramed su da ginmad, su mbunana ma su hian, su da baghege le logna gord. Malabo io gin ilndri buk ber gord i da le nemen. Buk si lie i da ndro i, ngarsu su da mamaren su do dari. Su masigane su gin meher le logna gord, ndremda gord i dieni su le longu masi i da le buk aden, i hian de i momen. 13Su da ginmad, gin lol le ndas, su gin ndne lie le ndas, dagara su do da le boan le ngad asu, gin ndne lie le ngad asu. Su masigane gin me le gord ad Jehova. 14Gord gina boen i gin bieni iab, su ndramed su da ginmad ri le moan manden, su ga med bersi lie be su glos le moan ogo. 15Be ngarn ad homo i da le buk asu su da mamaren bui, su gin bieni i le moan manden.
Currently Selected:
Boharni ad Johanes 20: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
