Boharni ad Johanes 19
19
Su ber gor lundielang su mugmug manden Babilon gin los sumburdi
1Muren io gin hirong ngasen manden, i dege ngasen asu su ha ngei, ngasen asu mabosanged le lundielang, su loh, su bai: Haleluia, engerang e ndoui i ad Ndorlaben Jehova ge. 2Gord aden i hian monen gane, i gin bo gord le ndro bihin sungsou, i da gin bo longu momen dsoln, i da gin bo momen le ndro su masi ber boan, i gin surien ndrai asu lao dandendegei aden, su da gin daii su. 3Muren su loh, su bai lie: Haleluia. Ehe, gusmoan i gobad le belengan bing si e rang si sidegesi. Aga gusmoan ber moan, Jehova gin daui ri. 4Malabo su labenen marungul e hamou, dagara su mahamou su godurhu, su bo lodu le ndro Jehova, i da lugdo im logna aden, su vong, su bai: Amen Haleluia.
5Io hirong ngasen ad homo i da baghege le lognan ad Ndorlaben, i loh, i bai: Gabmugueni Jehova, Ndorlaben adu, mu lao dandendegei aden, mu da voaniso aden ge mu mbunana ma mu hian lie. 6Muren io gin hirong ngasen manden, i dege ngasen be su mabosanged su ha ngei, dege ngasen ber ndran mandromai, i dege ngasen ber barr manden ge. Su vong, su bai: Haleluia. Jehova, Ndorlaben adu i da ndoa le longu masigane gin ibdi gor masi gle aden ge. 7-8Ha mugmug ge ha mugmug manden ge ha ngei, gabmugueni i ge. Gous ad Ndurmeh gin me nambulen beg hilou le ndro i. I gin ilgi salo beren beren gane le mandrn. Salo ogo i vonei: Bergoln e meluan rosan ge, dege bergolsu lao aden helian. 9Muren i vong me ndro io: E hondre: I hian horuan ge ar Ndorlaben i loh i le gous ad Ndurmeh. Muren i vong me ndro io: Aga nongen ad Jehova ndangen. 10Io gin los le boan, io godurhu ngondrnego, beg bo lodu le ndro i. I vong me ndro io, i boi: Mbue hinen i, io hom lao dandendegei dege uo, io homo asu nderm, ngarn ad Jesu i da ndro su, gob lodu le ndro Jehova ge. Ngarn Jesu aga i vonei: Meluan ad Ndorlaben i da boharni le ndro su longu ber lang.
11Muren io gin ilndri gor lundielang i deh, hors beren i me dala ndremda hors ngarn aden dege ogoro: Uo gin bo mburer adem monen ndangen. I ogo i bo bahun hian ge, i bo longu monen gane. 12Begmarn i dege sul, salion ber gold dsoln i da le borbalen, ngarn si i da le mandrn, homo de danen ngarn ogo bui. 13Salo aden i ramen dege ndrai, su gin ilgi salo le ndrai hanu, ngarn aden i vonei: Nongen ad Jehova. 14Su Angelo ber gor lundielang su ndrbon le sal aden, hors asu beren ge, salo asu beren beren gane. 15Mordo si i da le bohon, aga mordo borla marn manden, i rii su ndramed ber boan. I gdulieni su, ir bogulue su gle ndes ber aiern. I ge, i da bo gord le ndro su, i rii su, gus ad Jehova i da ndro su. 16Ngarn si i da le salo aden, ngarn ogo i vonei: King ber King masi, Ndorlaben asu Ndorlaben masi. 17Muren io gin ilndri hom Angelo i da le mernal, i loh le ngasen ndoun, i loh su dorgan su da voh le belengan, i bai: Am ogo, am me goure le gous manden ad Jehova. 18Gien sengen asu King, sengen asu ndorlaben ber bahun, sengen asu hian su da ndoun ndoun, sengen ber hors, ma asu ndremda hors, sengen asu ndramed ber boan, asu labenen ma asu lao dandenegei, asu mbunana, ma asu hian. 19Muren io gin ilndri longu hendre i da gin me goru, dagara su King ber boan ma su polisboi asu su gin me goure, su beg bo bahun le ndro ndremda hors ma le ndro su lao aden. 20Su gin hosi longu i da gin meher goru, dagara Provet ber bahilou aden, i da gin hinen gelman manden le bormarn, i gin seslaini su, su gibdi gelman le longu, i da gin me goru, su gdohor le sameluan. Su gin hosi sor marmou, su gin bieni sor le moan, i da iad manden. 21Ndremda hors i gin daii su masi, su da gin bo bahun le ndro i le mordo borla aden, i da le bohon. Su ndorgan ber lang su gin me, su gin ien sengen asu su da ginmad.
Currently Selected:
Boharni ad Johanes 19: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
