Boharni ad Johanes 18
18
Babilon i los sumburdi.
1Boen io gin ilndri hom Angelo lie i bieni gor lang, i voh le boan. Ndoui manden ge i da ndro i. Gor boan gina engerang, i hinganen dagara manden ge, 2I loh le ngasen manden, i bai: I gin los, Babilon gor mandromai gina los sumburdi. I lognan asu beld, i kalabus asu snel, i logna kalabus le longu hendre e hendre momen ge. 3Gor ma gor bosanged gin ibdi bern aden momen, su King ber boan su gin bo longu sungsou le ndro i, su ndremda simsim su do dari, memrad asu bulhe. 4Boen io hirong ngasen ad homo i da le lang, i vong, i bai: E bieni i glendi mu lao dandendegei ordo, debosan mu ibdi heb le longu aden momen, debosan gord na gmeher ndro mu. 5Longu aden momen i hilou le lang, Jehova gin hanguruen longu aden momen, ha surien longu aden momen, dege I gin hinen i le ndro mu. 6Ha surien i maberuo, ha surien mburer aden momen gle momen. Ghengen le ndro i le ndungian, i da gin hengeni le ndro mu, ghengen le ndro i maberuo. 7Goru i da gin bo gous manden, i da gin nouni sengen aden, malabo ge, bo ngendian le ndro i. I hanguruen le bergoln i bai: Io lugdo im logna ad hom King, io hom bihinou bui, io de reng, io de dang, ndrno de gosusngo bugane. 8E lele, longu aden momen, ngendian aden na gmeher le rang si ge. Muren bergoln i gosusngo le song manden i da hilou, be i da ilndri, su ga med su ber boan ogo. Moan na gmeher, i dilmui i sumburdi, Jehova i ndoun ndoun, Ndorlaben i da gin bo gord le ndro i.
9Su King ber boan, su do gin bo sungsou le ndro i, su da gin bo gous la born ndro i, su ha dang, su loholo, be su ilndri gusmoan i iad le belengan, gusmoan le moan manden, i da gin dilmui bihin. 10Su da manan, be su ilndri ngendian ad bihin, su loh, su bai: Momen, momen ge, uo gor Babilon, uo gor manden ge, uo gor ndoun ndoun. Gord ad Ndorlaben gin meher ndro uo roud. 11Dagara su ndremda simsim ber boan su ha dang ndrnesu i gosusngo, homo de sim memrad asu bui, 12longu ber gold ma ber bad, salo hian ramen e beren ber silik e longu ber gei e ber ndrun, longu ber bad hian ma ber aiern, 13longu ngohondonreen, ndrunvain e ndrelgei, flouer e gorn, bulmagou e meh, hors e kar, ma su lao dandendegei. 14De dansu sim mbuegei hian le ndro su bui, su ber gor Babilon gina momen gane. Memrad asu masi gina los sumburdi, homo de danen danoni i bui. 15Su ndremda simsim su da gin bo mburer le memrad ogoro, su da gin huri me goure moni bulhe le mburer asu, su da lele manan ge, ngendian asu ber gor. 16Su vong, su loh: Uo gor mandromai, uo da gin daui salo hian ramen gle mandrm, uo da gin nouni mandrm le memrad ber gold, ber bad i da hinganen, ma le neldun suh, uo gina momen, uo gina momen gane. Memrad adem masi gin los, gina sumburdi. 17Su ndremda ndol, su ndorlaben ber ndas, su masi su da bo mburer le sip, su da hilou le ndas, su ilndri longu. 18Be su gin ilndri gusmoan i gobad le belengan, su lug bohosu, su bai: Gor mandromai dege uo i da oho: 19Su bieni gas le mandrn, su ha dang, su loholo: Uo gina momen ge, uo gina momen gor mandromai, su masi su da hilou le ndas, su ndremda ndol masi, su gin ibdi mburer adem, memrad asu dsoln gin meher ri. E lele, uo gina momen gane malabo, su gin ndumbue uo sumburdi.
20Ha mugmug ge, uo lang, ha mugmug ge mu lao dandendegei helian, mu Apostel, mu Provet ad Jehova. Ndorlaben gin bo gord le ndro i bomud. 21Hom Angelo manden i hedi bad si, i bad manden ge, i bieni i le ndas, i vong, i bai: Dagara su ghinen i le ndro gor Babilon, homo de danen danoni i bui. 22Heb musik i do dari bui, heb gan, heb gous bui, heb demi bugane. 23Heb sul i da ndro uo bui, heb mugmug asu bugane. Su ndorlaben adem, aga su ndorlaben ber gor masi. Uo gin seslaini su ndramed ber gor masi le longu asu beld. 24Su gin harengeni ndrai asu Provet, ma ndrai asu lao helian le gord adem, su gin daii su le lundie.
Currently Selected:
Boharni ad Johanes 18: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
