Boharni ad Johanes 16
16
1Malabo io gin hirong ngasen ad homo ndoun, i da le lundieum ad Jehova. I vong le ndro su Angelo manondrdilmou, i bai: Hian al e bieni giao, longu i da le lus, e bieni gus ad Jehova gle boan. 2Homo hanu i gina, i bieni longu i da le lus aden le boan. Malabo legen momen gina le mandrsu ndramed, su da gin ibdi gelman ber longu, i da gin meher le lundiendas, su da dohor le sameluan aden.
3Muren homo lie i bieni longu i da le lus aden le ndas, ndas gina ndrai, i dege ndrai asu, su da ginmad. Longu masi i da mamaren le ndas ginmad.
4Muren homo lie i me, i bieni longu i da le lus aden, le ndran ber boan. Ndran ber boan gina ndrai. 5Muren io gin hirong nongen ad Angelo ber ndran, i vong, i bai: Uo monen ge, uo ber nandugian, uo do da lie, malabo uo helian ge, uo da gin bo gord dagara. 6Su gin harengeni ndrai asu lao ad Jehova helian, ma ndrai asu Provet le boan. Malabo uo hengen le ndro su, su gien ndrai, aga i vonei le asu. 7Io gin hirong ngasen i da le logna dohor i vong, i bai: Ehe, Ndorlaben Jehova, uo da ndoa le longu masigane, gord adem i monen, i ndangen ge.
8Muren Angelo homo i bieni longu i da le lus le mernal, mernal i ngendehan mandromai le ndro su ndramed, i dilmui sengen asu. 9Su ndramed ber boan su gina momen ge le ngendehan ber mernal, su boii ngarn ad Jehova, i da gin rendegien longu momen dege ogoro, su de gin belueni bern asu bui, su de bamugueni Jehova bugane.
10Malabo hom Angelo lie i bieni longu, i da le lus aden, i gin los le lognan aden, i da gin meher le lundiendas goru. Gor aden gina ndrogum gane, ngendian asu ndramed manden ge. 11Su boii ngarn ad Jehova, Ndorlaben ber lang, ngendiasu dsoln, mandrsu gina momen le legen asu, su de belueni bern asu bugane.
12Muren hom Angelo i meher i bieni longu, i da le lus aden, le ndran Euvrat, ndran Euvrat gina bosou. Malabo sal hian i da le ndro su ndorlaben ber rai. 13Muren io gin ilndri snel, i da gin mbsig le bohon ad mbuei, le bohon aden, i da gin meher le lundiendas, ma le bohon ad Provet ber bahilou, 14snel ogo aga meluan ad beld Satan, i danen hinen gelman manden. Su snel ogo su gin hilou le ndro su ndorlaben ber boan, i loh su me goure, su gob iil le ndro Jehova, le rang ad Ndorlaben manden ge. 15E lele, io gmeher dege hom ndremda behena lobing. I ge, i horuan, i mamaren ge, i da mamed, i gin hosi salo aden, debosan salo aden bui, su ilndri i, su boii i. 16Ehe, su snel su da gin mbsig, su gin loh su King ber boan le goure, le gor si, su bosoui ngarn Harmagedon.
17Malabo homo asu Angelo i bieni longu, i da le lus aden le ior ber boan. Io gin hirong ngasen ad homo i da le lundieum, i da le lundielang ngasen ad homo, i da le logna ad Ndorlaben, i vong, i bai: Longu masi gina boen. 18Malabo ngasen gin meher, barr e ndremla. Boan i nunueie manden ge, i rerr dege i de gin rerr bersi goru masou. 19Gor mandromai ber boan gin bud, madulsal gin los le horo, madulsal gle horo gor asu Haiden gin bud sumburdi. Malabo Jehova i hanguruen gor manden Babilon, beg surien longu aden momen gle gord aden, le gus aden mandromai. 20Su reda masi su gin lol, su bahali su do da bui, su gineao gane. 21Lengen mandromai, lengen ber ais gin ndrud le boan, gin meher ndro su ndramed, su ge su boii Jehova le lengen momen dagara. Lengen ber ais bo ngendian ndro su ndramed manden ge.
Currently Selected:
Boharni ad Johanes 16: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
