Boharni ad Johanes 15
15
Gagaile asu lao ad Jesu ndangen.
1Muren io gin ilndri gelman mandromai, mamali ge le lang. Su Angelo manondrdilmou longu momen hendre e hendre i da le nemesu, aga longu momen i da beg meher le gor boan, aga longu ber gus ad Jehova, i da beg meher le boan. 2Io gin ilndri longu hendre lie, i dege ndas ber glas, moan i do dari. Ma io gin ilndri su, su da gin dohor le sameluan ber boan bui, su de gin ibdi ngarn le bombulsu bugane, su da baghege le ndas, musik ad Jehova i da le nemesu. 3Su gagaile nongen ad Mose, ma nongen ad lao dandendegei ad Jehova, ma gagaile ad Ndurmeh, su vong, su bai: Ndorlaben Jehova uo da manden ge uo da vonei gor ma gor bosanged, uo da ndoa le longu masigane, sal adem i monen ndangen, uo King ber gor masi. 4Sie i da noh adem bui Ndorlaben? Sie i da mugueni garm bugane? Uo ge, uo helian gane. Ehe, su gor ma gor bosanged su gmeher, su gob lodu le ndro uo, su dohor le ndro uo ge. Gord adem i monen gane, su gor masi dansu ri.
Mburer le asu Angelo manondrdilmou.
5Muren io gin ilndri gelman si lie: Io gin ilndri um ad Jehova i da lundielang. Babi ber um gin deh. 6Su Angelo manondrdilmou su meher le marbohonum, longu momen manondrdilndre i da le nemesu, salo asu beren gane, su gin hosi i le gogon ber gold. 7Homo asu mahamou i gin hengen le ndro su Angelo manondrdilmou lus ber gold, hendre le ndro homo, hendre le ndro homo. Gus ad Jehova i da mamaren, i da le lundielus. 8Lundieum ad Jehova i beb le gusmoan, aga i vonei engerang ad Jehova ma ndoui aden. Homo de danen meher le lundieum bui, hanu longu manondrdilndre momen asu Angelo manondrdilmou na gmeher le boan.
Currently Selected:
Boharni ad Johanes 15: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
