Boharni ad Johanes 14
14
Su mabohangul e mahabou ndre bahali Sion.
1Muren io gin ilndri gelman si: Io gin ilndri Ndurmeh ad Jehova ndre bahali Sion, su mabosanged, mabohangul e mahabou su da ndro i, ngarn ad Ndorlaben Jehova, ma ngarn aden i da le bombulsu. 2Muren io gin hirong dah ber lang, i dege ngasen ber ndran mandromai, i dege ngasen ber barr manden ge. Ngasen ogo i dege ngasen asu mabosanged be su gagaile, be su bo musik hian. 3Su gagaile nongen houen ge, su da baghege le lognan ber lang, le bormarsu mahamou, ma le bormarsu labenen. Homo de danen gagaile ogo bugane, su ge, su mabosanged, mabohangul e mahabou dansu i, su ogo Ndurmeh gin bolumiasu le gor boan. 4Su gorbo su de gin bo longu sungsou bui, su dege su ndurbihin ge de gin hanguruen hom gamel masou. Su gorbo su ndrobon Ndurmeh le sal aden sidegesi. Ndorlaben gin semani su, su ad Jehova ge, su ad Ndurmeh ge. 5Heb bahilou i da le bohosu bui, su monen gane.
Su Angelo su boharni longu i beg mehere.
6Muren io gin ilndri Angelo i da voh le lang, i bohernou le ndro su ndramed ber boan, su da le rai, su da le hai, su da le ndolou ma le ndro su gub, i bohernou le ndro su nongen hian ber lang, nongen i de somad bui. 7I loh le ngasen ndoun, i bai: Ha noh Jehova, gabmugueni i ge, rang ber gord ad Jehova gin meher. E dohor le ndro i ge, gob lodu le ndro i, i da gin mengseni lang e boan, ndas e ndran masi. 8Hom Angelo i ndrbon le sal, ad Angelo ber hanu, i vong, i bai: Babilon, gor mandromai gin los, ehe i gin los, i da gin seslaini su gor masi le longu aden momen, le longu sungsou aden ge. 9Muren hom Angelo lie i ndrobon sor, i loh le ngasen ndoun, i bai: Ar homo gin dohor le ndro i ge, i da gin meher, ar homo i dohor sameluan aden, ar homo gin ibdi gelman aden i da le nemen sengen, i da le bombulen, 10i gina momen ndangen gus ad Jehova na gmeher ndro i, i grii i le bormarsu Angelo helian masi, ma le bormarn ad Ndurmeh ad Jehova. 11Gusmoan ber moan i da dilmui su i gobad bing si e rang si sidegesi. Su de so hengang bui lobing e lorang, su da gin dohor le sameluan aden i da gin meher le lundieboan, su da gin somui le gelman, le ngarn aden. 12I ge, i ndoa, i da boro ndoui ad Ndorlaben, dege su lao dandendegei aden Helian su gin hinen i, su da gin boro nongen ad Jehova, ma ndoui ad Jesu Kristo. 13Muren io gin hirong ngasen ad homo ber lang, i vong me ndro io, e hondre: Su horuan, su mamaren, su ga med le ngarn ad Ndorlaben malabo, ehe, Meluan i vong su ghengang ge le mburer asu dsoln, longu asu hian su da gin hinen i su ndrbon su le sal.
14Malabo io ilndri ndoulang beren, homo i lugdo im ri, i ogo, i dege Ndurndramed, salion ber gold i da le borbalen, aiern le sindrdi lomondriu i da le nemen, marn manden ge. 15Muren io gin ilndri hom Angelo lie i gin meher le lundieum ad Jehova, i vong le ndro i ge, i da lugdo ndre ndoulang le ngasen ndoun: Hedi aiern ber lomondriu, e sindrdi gan i da le beleng, gorn masi ber boan gin voiliu, i gin meng boen. 16Malabo i ge, i da lugdo ndre ndoulang i gin hinen i, dege Angelo gin bai, mordo aden gin sindrdi longu ber boan, dege homo i sindrdi gorn le beleng aden. 17Muren io gin ilndri hom Angelo lie i gin meher le lundieum ad Jehova i da le lang, mordo si i da le nemen, marn manden ge. 18Muren hom Angelo lie gin meher i da baghege le logna dohor, i ndoa le moan, i loh Angelo, mordo marn manden i da le nemen, le ngasen ndoun, i bai: Hedi mordo adem, e sindrdi gei masi i da le boan, mbuegei gin malumalum. 19Malabo Angelo i gin sindrdi le mordo aden gei ber boan, i gin daui mbuegei le gur ad Jehova, aga i vonei gus ad Ndorlaben. 20Su robsei mbuegei ogo, i da le gur ad Jehova le marbohon gor. Ndrai i gin muh leri, ndrai manden ge.
Currently Selected:
Boharni ad Johanes 14: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
