Boharni ad Johanes 13
13
Gelman le sor marmou sor sobani Satan.
1Muren io gina le leng ber ndas. Io gin ilndri homo i gin meher le lundiendas, balen manondrdolo i da ndro i, ma nusuen masongul i da le balen. Salion asu King masongul i da le nusuen aden masongul. Ngarn momen i da le borbalen ngarn le boii Jehova. 2Longu hendre ogo io da gin ilndri i, i dege Panter, ndegen i dege ndegen ad Ber, bohon i dege bohon ad Laion. Mbuei gin hengen le ndro i ndoui aden ma logna aden, ndoui aden i mandromai ge. 3I gin hengen le ndro i balen si aden, legen manden i do dari, legen ogo i gin hivur boen. Su ber gor boan masigane su gin ilndri longu ogoro, meluasu masi i ieb leri. 4Su dohor le ndro mbuei, i da gin hengen ndoui aden le ndro longu ogo, su bo lodu le ndro i, su vong, su bai: Sie i dege longu ogoro i da gin meher le lundiendas, sie i danen bo bahun le ndro i ie? 5I ogo i gin lug bohon manden ge, i vong nongen dsoln, i boii le nongen aden, i ndoun le bohon le vara mahangul e ruo. 6Malabo i lug bohon manden ge, i boii Jehova le nongen aden, i boii ngarn aden ma um aden, dagara su, su da le lundielang. 7Ndorlaben i ha somui ri, be i hilou, i bo bahun le ndro su lao aden helian, i ndounen su. I ndoa le ndro su ndramed masi ber boan, le ndro su ber hai ma ber rai, le ndro su ber ndolou ma ber gub. 8Su ndramed ber boan su bo lodu le ndro i, su masigane, ngarsu i da le buk ad Jehova bui, ndurmeh ad Jehova de gin hondre ngarsu le buk aden goru bugane. 9Ar homo delengan i da ndro i, i ha hirong nongen ogo. 10Ar homo i hosi su, su hosi i lie. Ar homo i daii su le mordo aden, i na gmed le mordo lie. Homo ge i ndoa, be i boro ndoui ad Ndorlaben, dege su lao dandendegei aden helian gin hinen i.
Gelman le longu hendre i gmeher lundieboan.
11Muren io gin ilndri longu hendre: I gin meher le lundieboan, nusuen maruo i da le balen, dege i da le balen ad Ndurmeh, bohon aden i dege bohon ad mbuei. 12Ndoui aden i mandromai, dege ndoui aden i da gin meher hanu le lundiendas, i rui su ndramed ber boan, su dohor le ndro i ge, legen manden i da le balen, i da gin hivur bomud. 13I hinen gelman manden ge, i danen hinen i, moan ber lang i ndrud le boan le bormarsu ndramed, 14i seslaini su ndramed ber boan, su da ilndri gelman aden manden, i hinen le ndro su le ndoui aden, i da gin meher, i seslaini su ndramed ber boan, su dohor le ndro i ge, legen manden i da le balen, muren i gin hivur lie. I seslaini su, su mengseni sameluan aden. 15Be su gin mengseni sameluan, i gin hinen sameluan ogo mamaren, i danen vong le bohon. I gin hinen i, su gin daii su masigane, su de gin dohor le ndro i bui. 16I gin ilgi gelman le ndro su masi ber boan, le ndro su labenen, ma le ndro su lao dandendegei, le ndro su ndorlaben, ma le ndro su ndramed molhege. I gin ilgi gelman le nemen sengen asu, de le bombulsu. 17Ar homo, gelman ogo i da ndro i bui, aga ngarn ad longu i da gin meher, i de danen sim heb gan bui, heb longu bugane. 18I hian ge, ar homo i hanguruen longu ogoro monen ge. Ar homo i hanguruen heb monen, i ha nemeni viger ad longu, i da gin me, aga ngarn ad hom ndramed, i vonei mononangad e nonungul e oro.
Currently Selected:
Boharni ad Johanes 13: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
