Popular Bible Verses from Boharni ad Johanes 13

Share

I hian ge, ar homo i hanguruen longu ogoro monen ge. Ar homo i hanguruen heb monen, i ha nemeni viger ad longu, i da gin me, aga ngarn ad hom ndramed, i vonei mononangad e nonungul e oro.

Su ndramed ber boan su bo lodu le ndro i, su masigane, ngarsu i da le buk ad Jehova bui, ndurmeh ad Jehova de gin hondre ngarsu le buk aden goru bugane.

I gin ilgi gelman le ndro su masi ber boan, le ndro su labenen, ma le ndro su lao dandendegei, le ndro su ndorlaben, ma le ndro su ndramed molhege. I gin ilgi gelman le nemen sengen asu, de le bombulsu. Ar homo, gelman ogo i da ndro i bui, aga ngarn ad longu i da gin meher, i de danen sim heb gan bui, heb longu bugane.

Ar homo i hosi su, su hosi i lie. Ar homo i daii su le mordo aden, i na gmed le mordo lie. Homo ge i ndoa, be i boro ndoui ad Ndorlaben, dege su lao dandendegei aden helian gin hinen i.

Muren io gina le leng ber ndas. Io gin ilndri homo i gin meher le lundiendas, balen manondrdolo i da ndro i, ma nusuen masongul i da le balen. Salion asu King masongul i da le nusuen aden masongul. Ngarn momen i da le borbalen ngarn le boii Jehova.

Ndorlaben i ha somui ri, be i hilou, i bo bahun le ndro su lao aden helian, i ndounen su. I ndoa le ndro su ndramed masi ber boan, le ndro su ber hai ma ber rai, le ndro su ber ndolou ma ber gub.

i seslaini su ndramed ber boan, su da ilndri gelman aden manden, i hinen le ndro su le ndoui aden, i da gin meher, i seslaini su ndramed ber boan, su dohor le ndro i ge, legen manden i da le balen, muren i gin hivur lie. I seslaini su, su mengseni sameluan aden. Be su gin mengseni sameluan, i gin hinen sameluan ogo mamaren, i danen vong le bohon. I gin hinen i, su gin daii su masigane, su de gin dohor le ndro i bui.

Longu hendre ogo io da gin ilndri i, i dege Panter, ndegen i dege ndegen ad Ber, bohon i dege bohon ad Laion. Mbuei gin hengen le ndro i ndoui aden ma logna aden, ndoui aden i mandromai ge.

I ogo i gin lug bohon manden ge, i vong nongen dsoln, i boii le nongen aden, i ndoun le bohon le vara mahangul e ruo.

I gin hengen le ndro i balen si aden, legen manden i do dari, legen ogo i gin hivur boen. Su ber gor boan masigane su gin ilndri longu ogoro, meluasu masi i ieb leri.

Muren io gin ilndri longu hendre: I gin meher le lundieboan, nusuen maruo i da le balen, dege i da le balen ad Ndurmeh, bohon aden i dege bohon ad mbuei. Ndoui aden i mandromai, dege ndoui aden i da gin meher hanu le lundiendas, i rui su ndramed ber boan, su dohor le ndro i ge, legen manden i da le balen, i da gin hivur bomud.