Boharni ad Johanes 1
1
Heb nongen hanu.
1Aga boharni ad Jesu Kristo, dege Jehova gin boharni le ndro i, beg henunuen su lao dandendegei aden, sehe longu i beg meher heb eluen bui muren. I gin rendegien Angelo aden, i gin boharni le ndro lao dandendegei aden, Johanes. 2I ogo, i ha bosoui le nongen ad Jehova, le nongen ad Jesu Kristo, le longu masi i da gin ilndri. 3I horuan ge, i ha bosoui nongen ogo, dagara su horuan, su ha hirong nongen ogo asu Provet, su horuan, su mamaren su bogulue nongen ogo le bergolsu, e lele, rang gin me bage malabo.
4Io Johanes io beani nongen hian le ndro su gor manondrdolo ber Asia mandehe: Golnisden ad Ndorlaben i da ge ndro mu, dagara mandri aden, i do da, i da nandugian, i do da bersi muren lie, mandri asu meluan manondrdilmou, su do da baghege le logna ad Ndorlaben. 5Dagara mandri ad Jesu Kristo, ndremda boharni, i Ndur homo ge, i da gin ndne lie le ngad aden, i Ndorlaben asu King ber gor masi. I golnisden du, i gin sibui longu adu momen gineao. 6I gin hinen du le su King ber gor lundielang, le su Prister, su da dohor le ndro Jehova, le ndro Damen. Engerang aden i da ndro i, dagara ndoui aden bing si e rang si sidegesi. Amen.
Jesu na gmeher lie.
7E lele, i meher le ndoulang, begmarn ad homo ma homo i gilndri i, dagara su, su gin sedaui i, boen su ha dang, su ha reng, su da gin bo iil le ndro i, aga ndangen, Amen. 8Io da hanu, io da muren, Jehova Ndorlaben i vong dagara. I ge, i do da, i ber nandugian, i gmeher lie bersi muren, i ndoa le longu masigane.
Johanes i da le reda Patmos, Jesu i mbsig le ndro i.
9Io Johanes ndere ademu, io homo ademu, io la born ndro mu le rang ademu momen, io la born mu le gor lundielang bersi muren, io ha belengeni Jesu la born ndro mu lie. Io do da le reda ngarn Patmos, su gin daui io le kalabus le nongen ad Jesu. 10Ndoui ad Ndorlaben gina le bergolo, le rang ad Ndorlaben, io gin hirong ngasen ad homo le ndrbo, ngasen mandromai i dege ndah manden. 11Ngasen ogo i vong me ndro io, i bai: E hondre le buk adem longu masi uo gilndri, muren rendegien buk ogo le ndro su gor manondrdolo: Le ndro su ber Evesus, le ndro su ber Smirna, le ndro su ber Pergamon, ber Taitira, ber Sardes, le ndro ber Philadelphia e Laodisea. 12Io gin belueni bormoro le ndrbo, beg ilndri i, i da gin vong me ndro io dagara, e lele, logna sul ber gold manondrdolo i do da. 13Homo i da le dogro sul, i ogo, i dege ndurndramed. Salo eluen i da le mandrn, i gin hosi i le led ber gold. 14Bormarn e lombalen i beren, beren gane, dege salo beren ge, begmarn i hinganen, i dege moan i da iad. 15Ndegen i dege ber gold i ramen ge, dege homo i daui aiern le moan, ngasen i dege ngasen ber lengen mandromai. 16Biri manondrdolo i da le nemen sengen, nongen aden i dege mordo borla marn manden ge, bormarn i hinganen dege mernal, i hinganen le dogrorang. 17Be io gin ilndri i, io gin los baghege le ndegen, io dege ginmad. I dori io le nemen sengen, i vong, i bai: Mbue uo go noh, io ie, ber nandugian, ma ber muren dagara lie. 18Io mamaren ge, goru io ginmad, e lele, io mamaren ge sidegesi, ki ber gor ndrogmoan i da ndro io. 19E hondre longu masi uo da gin ilndri, i da gin meher malabo, ma i gmeher bersi muren lie. 20Hanguruen sehe longu gorbo io da gin gorni i, longu le su biri manondrdolo i da le nemo sengen, longu le su logna sul ber gold, longu ogoro i vonei: Biri manondrdolo, aga su ndremda hernou manondrdilmou asu ber lodu ad Ndorlaben, logna sul manondrdolo aga su ber lodu ad Ndorlaben manondrdolo.
Currently Selected:
Boharni ad Johanes 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
