Apostel 28

Paulus i da le reda Malta.

1Be iou gin meher le leng, iou gin hirong i, reda ogo ngarn Malta. 2Su ndramed ber reda ogo su gin sobani du le hian, su gin singeni moan, iou da baghege im ri. Lengen i ndrud manden ge, gor i nela ge. 3Paulus i beg hedi heb gihi, beg bieni i le moan, ndrondrhun gin me, I gin ien nemen ad Paulus. Lehen i ndrabsou nemen. 4Homo asu ber reda ogo, be i da ilndri ndrondrhun le nemen ad Paulus, su vong me goure: Ndramed ogo i hom daiandramed, su ber belengan beg surien longu aden momen, su beg daii Paulus. 5Paulus i hendrueni ndrondrhun le moan, i de gina momen le ndrondrhun bui. 6Su ge, su da baghege le moan, su belengeni, Paulus na glos, i na gmed. Su gin beluen eluen dahed, heb longu momen de gin meher ndro Paulus bui. Malabo su belueni hanguruen asu, su vong, su bai: Paulus i homo asu beld. 7Hom labenen ber reda ogo ngarn Puplius, memrad aden dsoln, i gin ndemani du iou gmeher le um aden, iou da medir madolo, i da bo hian me ndro du le gan. 8Damen ad Puplius gina sik, iab ber ndrai gin hedi i, i busngad manden. Paulus i la ndro i, i raring le ndro Jehova, i daui nemen gle mandern, i regurdueni i. 9Be su masi gin hirong leri, su gin hur su sik masi ber reda le ndro Paulus, i gregurdueni su. 10Su gin bamugueni du leri, be iou da gin bieni reda ogo, su gin daui gan mabosanged me anu. 11Vara madolo muren, iou hedi ndol heie ber Aleksandria, i da gin belengeni rang hian le reda ogo. Gelman le ndurmarnder i da le berhad ber ndol. 12Iou gin meher le gor Siragus, iou dandon madolo. 13Iou bieni gor ogo, ndol adu i hilou hian ge, boen iou gin meher le gor Regium. Bing si muren gub i ngoh, iou hilou ge roud le ndol adu, maruo muren, iou gin meher le gor Puteoli. 14Iou ilndri su lao ad Jesu le gor ogo, su ndemani du, iou gsou le gor asu. Bing manondrodolo muren, iou gin meher le gor Rom. 15Su lao ad Jesu ber gor Rom, be su gin hirong i, iou da le sal le gor Rom, su me dala, iou sohal sal le ndro su le gor Api, aga logna bah ad Apius. Ma le logna Trestaberna, aga i vonei: Um madilmou. Be Paulus i gin ilndri su lao ad Jesu, i mugueni Jehova, ndoui houen gin meher ndro i leri.

Paulus i da le gor Rom.

16Be iou da gin meher le gor Rom, polismaster gin daui su ber kalabus le nemen ad ndorlaben asu polisboi ber Rom. Ndorlaben i gin somui ri, Paulus i danen hedi um hom gle aden, i do da um kalabus bui. I danen dogi le horo ma le horo, dege i ha lengi. Hom polisboi ge, i da baghege ndro i le sal aden sidesi.

17Bing madolo muren, Paulus i loh su labenen asu Juda le um aden, be su gin me goure, i vong le ndro su, i boi: Mu ndere hian, io de gin bo heb longu momen le ndro su ber gor ordo bui, io de gin bieni heb bern asu damdu ber goru bugane, su ge ber Jerusalem gin bo iil me ndro io, su gin daui io le nemesu Rom, le kalabus asu. 18Su ber Rom beg rumburdi io, dansu de danoni heb longu momen ordo bugane. 19Su Juda mbueresu, boen io gin loh, le gord ad Sesar, heb longu i da ndro io bui, io da beg bo gord le ndro su ber Jerusalem. 20Malabo io gin loh mu, io beg ilndri mu, beg bosoui heb nongen ogo me ndro mu. Le longu ber lang iou da belengen i su gin daui io le kalabus. 21Su labenen asu Juda su bodeie: Dandu heb le longu ogo masou, su ber Jerusalem su de gin rendegien heb nongen le longu adem bui. Homo asu ndere ber Jerusalem de gin meher me ndro du bugane, heb ngarnongen momen de gin hilou de la ndro du bugane. 22Aga i hian, be uo gobharni me ndro du heb le longu adem; dandu longu hendre ge, gor masi su bo iil le ndro lodu ademu. 23Su gin bosoui rang si, su beg meher lie. Su gin meher le um aden, su mabosanged. Paulus i da bohernou le ndro su mabing mabenan lobing longu le gor ad Jehova. I gin boharni le ndro su, be i da gin bohernou le ndro su le nongen ad Mose, ma le nongen asu Provet i bosoui mburer ad Jesu lie, i ha lengi, su lao aden. 24Su holel asu delengasu le nongen ad Paulus, su holel, bergolsu ndoun ndoun. 25Be su da gin bosoui nongen mabosanged, Paulus i vong le ndro su, i bai: Nongen ad Meluan Helian i da gin boharni le ndro Provet Jesaia, i da gin bosoui le ndro su damdu ber goru i ndangen ge; 26Al ndro su ndramed ogo, vong le ndro su: Sidegesi mu da ghirong nongen ordo, de danmu leri bui, sidegesi mu da ilndri, de danmu hanguruen heb monen bugane. 27Bergolsu ndramed ogo i ndoun ndoun ge. Delengasu ndoun, begmarsu bui, debosan su ilndri hian, debosan su hirong momen go, debosan su belueni bern asu, su ibdi nongen ordo, su bogulue i le bergolsu, boen io gregurdueni su. 28Io beg boharni me ndro mu: Malabo gor ad Jehova gle ndro su Haiden. 29Su ge, delengasu le nongen ad Ndorlaben. Be su gin hirong nongen ogo, su bieni Paulus. 30Paulus i do da le um aden le Kristmas maruo, i somui le asu masi, su da gin meher le um aden. 31I bohernou le ndro su longu ber gor ad Jehova, i henunuen su ndoun nongen le Ndorlaben Jesu Kristo, homo i de bo iil de la ndro i bui.

Currently Selected:

Apostel 28: LLENT

Highlight

Copy