Rom 1

Heb nongen hanu.

1Io Paulus, hom lao ad Jesu Kristo, io hom Apostel, i gin loh io, io gobharni le ndro su longu le Jehova. 2Su Provet gin boharni leri mahanu, su gin hondre le Buk Helian. 3Aga nongen le Ndur Jehova. I ogo, i hom ndur David, i homo asu ndramed. 4I ndur Jehova gle ndoui ad Jehova ber belengan, Meluan Helian i da gin hingeni i le ngad aden. I ogo, Ndorlaben adu Jesu Kristo, 5i gin daui me ndro io mburer ogo ad hom Apostel. Aga golnisden aden ge me ndro io. I ha lengi, io gobharni le ndro su Haiden nongen ber lang, su gboro ndoui aden, delengasu le nongen ad Jehova ge, su gabmugueni ngarn manden. 6Mu dagara lie, dege su Haiden goru, Jesu Kristo i gin loh mu. 7Io da beani nongen hian ge le ndro mu, golnisden ad Jehova i da ndro mu, mu lao Helian ad Jesu ber Rom. Golnisden ad Jehova, ma mandri aden, ad Damen, ma ad Ndorlaben Jesu Kristo i da ge ndro mu.

8Io bamugueni Jehova gle ndoui ad Jesu Kristo, be io hanguruen mu, su gor masi su bosoui nongen le ademu, mu da gin boro ndoui ad Ndorlaben hian ge. 9Jehova, i ge, i danen i, io da hanguruen mu sidegesi, be io da bo mburer le nongen ad Ndurn, gle meluo. 10Sidegesi io soling le ndro Ndorlaben, i hengen me ndro io, be i ha lengi, io dono ilndri gor ademu lie. 11Ndangen bergolo gunuen hi bui, io beg ilndri mu, io beg sobani mu gle longu ber lang, danmu boro ndoui ad Jehova hian ge. 12Io ha lengi mu ndoa ge le golnisden ad Jehova, ar mu ilndri ndoui ad Jehova i da ndro io, io dagara lie, io dono boro ndoui ad Ndorlaben hian ge, be io ilndri ndoui ad Ndorlaben i da le dogromu. 13Io beg boharni me ndro mu, mu ndere hian, mabersehe io da beg dogi le ndro mu, beg ilndri mu, sidesi longu hendre e hendre gin me, io de gin dogi bui, ndangen io ha leng bo mburer le dogromu lie, dege io da gin hinen i le molengasu Haiden, beg daui heb sengen le ndro Ndorlaben ber mburer ordo. 14Io ha leng bo mburer le ndro su Grek, ma le ndro su gor masi lie, le ndro su ndorlaben, ma le ndro su ndramed molhege. 15Io ha leng dogi le ndro mu ber gor Rom, beg bohernou le ndro mu longu ber lang.

16Bombulo i de mesi le nongen ad Ndorlaben bui, nongen ber lang, aga ndoui ad Jehova i dari, i da rumburdi su, su da boro ndoui le nongen ogo, le ndro su Juda, ma le ndro su Grek lie. 17Aga mburer ad Jehova hian monen ge, i da hengen le ndro su, dansu boro ndoui aden, dege su gin hondre dugian: Homo i da dogi monen, i da horuan, mamaren ge, be i da boro ndoui ad Ndorlaben.

Gus ad Jehova le ndro su Haiden su da gin bieni i.

18Gus ad Jehova i da hilou le ndro su ndramed, su da gin bieni Jehova, su da dogi heb monen bui, su da bieni longu masi monen, su ibdi bern momen ge. 19Be su ha leng, hanguruen Ndorlaben Jehova, dansu i. Jehova, i ge, i gin boharni longu le aden le bergolsu. 20Su ndramed dansu ilndri mburer ad Jehova mandromai, i da gin hinen lang e boan, longu masigane i dari. Meluasu ndramed dansu, aga mburer ad homo ge. Dansu vong bui: Iou de gin hirong leri bui. 21Be su de mugueni Jehova bui aga mburer asu. Hanguruen asu gina le longu molhe ber boan ge, bergolsu i ndrogum gane, su de hanguruen heb monen bui. 22Su hanguruen su bai: Dansu longu mabosanged, su ndremda marbahar ndangen. Jehova i hanguruen, su ndramed gouge. 23Su da bieni Ndorlaben Jehova ma engerang aden, su da dirhor le ndro longu molhege ber boan, nemesu ndramed gin mengseni i. Aga sameluan le su ndorgain, le su ndramed, le longu ber lonhou ma le moad.

24Jehova i da gin bieni su, hangungerou asu momen, segdan gane le longu ber sungsou, mandrsu gina momen sumburdi. 25Su gin bieni Jehova, su hangaini bern ad Jehova hian sidesi. Nongen asu bahilou ge, su da dirhor le ndro su beld, su da lodu le ndro longu molhe ber boan, su de dirhor le ndro Ndorlaben Jehova, i da gin mengseni lang e boan hebsa bui. Iou da bamugueni Ndorlaben Jehova ge, bing si e rang si, sidegesi. Amen. 26Su da gin bieni Jehova dagara, Jehova i gin bieni su lie su gin idbi bern momen manden ge, su bihin asu su da hanguruen mandrsu bihin ge. 27Su gamel lie, gin bieni bern asu ndramed monen, su da hanguruen nambulsu bui, su da hanguruen mandrsu gamel ge, su da bo longu momen manden ge. Jehova i surien longu asu momen, i rii mandrsu. 28Su mbueresu Jehova ma bern monen, Jehova gin bieni su lie, su gina momen ge, bern asu momen gane. 29Bergolsu, ma hanguruen asu momen ge, su sungsou, su daiandramed, su ndremda iil, hanguruen asu i hilou, beg behena, beg daii su. 30Su da gogobaini su ndramed, su da bahurhur longu hendre e hendre le delengasu i da heb monen bui, su da bo iil le ndro Jehova, su da ndounen su ndramed, su da hanguruen hian ge le bern asu momen, nongen asu dsoln le memrad asu, su da gahi sidesi longu hendre e hendre momen, delengasu le nongen ad damen e nanen bui. 31De dansu heb longu monen bugane, de dansu bo mburer heb monen bui, su da bieni i, su vob. Heb golnisden asu bui, heb gahaloseli asu bugane. 32Dansu nongen ad Jehova, dansu, ar homo i hangaini i, i na gmed, gonan, sidesi su hinen i ma su mugueni su ge, su da bo longu momen dege su hinen i.

Currently Selected:

Rom 1: LLENT

Highlight

Copy