Apostel 23

Paulus i da le gord asu Juda.

1Paulus i lele bormarsu ndoun, i vong le ndro su, i boi: Mu ndere hian, io da gin dogi sidesi monen ge mabenan range, io da gin bo mburer ad Jehova hian ge, dege io da gin hanguruen i da monen ge. 2Ndurhian asu, ngarn Ananias, i bai le ndro hom lao aden, i da baghege ndro Paulus, i grii bohon ad Paulus. 3Malabo Paulus i vong le ndro ndurhian, Jehova na grii uo, uo ndramed momen ge, uo da lugdo im logna adem, uo beg bo gord me ndro io, malabo uo da rii io gle molhe. 4Su da baghege ndro i, su vong, su bai: Derbe uo boii ndurhian asu lao ad Jehova? 5Paulus i bode: Mu ndere, io de dono i bui aga ndurhian ademu, heb nongen i da le Buk Helian ogoro: Mbue boii ndorlaben adem. 6Paulus i danen, su holel asu labenen su Sadusi, su holel asu su Pharisi. Malabo i loh, i bai: Mu ndere hian io homo asu Pharisi, su damen ordo su ber lain asu Pharisi ge. Su Sadusi beg bo gord me ndro io gle longu hendre adu, iou da vong, su da ginmad, su gedne lie le ngad asu, su gbelengeni Jehova. 7Nongen ogo boen, su Pharisi su bo iil le ndro su Sadusi, su holel gina le seher, su holel gina le seher. 8Su Sadusi su bai, su ndramed de dansu dne lie le ngad asu bui, su Angelo bui, meluasu ndramed bugane. Su Pharisi, su ge, somui longu marndr ogo. 9Malabo su lug bohosu manden, su holel asu labenen, asu Pharisi, su da bo iil le nongen asu, su bai: De dandu lele heb longu momen aden bui, meluan ad homo de hom Angelo i danen bai le ndro i, dege i gin boharni de bui? 10Be su da gin loholo manden dagara, ndorlaben i noh, su mbuserei Paulus gle marndr. I rendegien su polisboi aden, su rui Paulus glendi le dogrosu, su dulieni i mul le um ad ndorlaben. 11Lobing, Ndorlaben gin meher ndro Paulus, i vong le ndro i, i boi: Mbue uo go noh, uo da gin boharni le ndro su ngoro, le gor Jerusalem, uo ghinen i dagara lie le ndro su ber Rom.

Su beg daii Paulus.

12Mabing, su Juda gin me goure, su daui nemesu le belengan su gin bai, mbuere su gien heb gan de heb ndran, hanu su beg daii Paulus. 13Su da gin bai dagara, su mahangul. 14Su gina le ndro su ndurhian, ma le ndro su labenen, su vong le ndro su, su bai: Iou gin daui nemedu le belengan, dandu ien heb gan, de heb ndran bui, hanu iou beg daii Paulus. 15Hian, mu gal ndro su ndremda gord, su masi su iao le ndro ndorlaben, su gendemani i, i gdulieni Paulus gle ndro su, su beg bo gord le ndro i lie, be i da le sal, iou gdaii i.

16Ndurgamel le bison ad Paulus gin hirong le nongen ogo. I hilou ge, i gina le ndro Paulus, i boharni le ndro i nongen ogo asu Juda. 17Paulus I loh hom polismaster, i vong le ndro i, i boi: E dulieni ulhou ogo le ndro ndorlaben, i beg boharni longu hendre le ndro i. 18Polismaster ogo i hedi ulhou, i dulieni i le ndro ndorlaben, i vong le ndro i, i bai: Paulus i da le kalabus gin loh io, i gin ndemani io, io gdulieni ulhou ogo le ndro uo, i beg boharni le ndro uo longu hendre. 19Ndorlaben i dulieni ulhou ogo lendi, boen i ndemani i: Sehe longu uo beg boharni me ndro io ie? 20I bodeie: Su Juda gin vong me goure, su ha leng ndemani uo, uo rendegien Paulus le ndro su ndurhian ber gor, mo mabing, su beg hinen gord le ndro i gmonen. 21Mbue hinen i, dege su bai, su gamel mahangul su ha leng daii i, su gin daui nemesu le belengan, mbueresu ien heb gan de heb ndran, hanu su beg daii Paulus. Malabo su da belengeni, be uo ha somui, boen su hinen mburer ogo momen. 22Muren ndorlaben i sendraini ulhou ogo, mbue i gobharni le ndro homo, i da gin bosoui longu ogo le ndro i.

Paulus le gor Sesarea.

23Ndorlaben i loh su polismaster marmou, i vong le ndro sor: Lobing, su polisboi marunged, su gdogi le gor Sesarea. Dagara su manondrdilingul su imri su hors asu, su dogi la born. Dagara su polisboi marunged, mordo i da le nemesu. 24Su hedi hors le ndro Paulus lie, su gdulieni Paulus le ndro ndorlaben ber Sesarea, ngarn Veliks. 25I hondre heb peper le ndro i, i bai: 26Io Klaudius Lisias, io de beani nongen hian ge le ndro uo ndorlaben Veliks, io mugueni uo. 27Su Juda gin hosi ndramed ogo, baghege su gin daii i, su polisboi ordo gin rumburdi i, be io gin hirong i, i homo asu Rom. 28Io beg hirong i, su da bo gord le ndro i gle sehe longu, io gin rendegien Paulus le ndro su ndurhian ber gor. 29Io gin hirong i muren, su da beg bo gord le ndro i le lodu asu ge, i de gin bo longu momen hebsa bugane, dandu daii i bui, dandu daui i le kalabus bugane. 30Homo gin boharni me ndro io, su holel asu Juda ha leng dai i, malabo io rendegien i le ndro uo. Io beg rendegien su labenen ber gor le ndro uo dagara lie, hian hinen gord ogo gmonen, nongen ordo boen. 31Su polisboi gin hedi Paulus, su dogi le gor Antipatris lobing ogo. 32Si muren, su polisboi gin mul, su ge, su da ndre hors, su la born ndro Paulus. 33-34Be su gin meher le gor Sesarea, su daui peper le ndro ndorlaben, su dulieni Paulus le ndro i. Be i gin ilndri peper ogo, boen i ndemani Paulus le gor aden. Be i gin hirong i, i homo asu Silisia, i vong le ndro i: 35Io beg bo gord le ndro uo, be su labenen ber Jerusalem su gmehere. Su polisboi bogulue Paulus le um ad Herodes.

Currently Selected:

Apostel 23: LLENT

Highlight

Copy