Apostel 22

Paulus i vong le ndro su Juda.

1Mu ndere mu damen adu, ha hirong heb nongen ogo. 2Be su gin hirong i, i vong le ndro su le nongen asu Hebru, su masi su hirong nongen aden. Paulus i vong le ndro su, i boi: 3Io homo ademu Juda, gor ordo aga Tarsus, gor si asu Silisia. Io do da le gor Jerusalem be io hom mbunana. Io da gin lugdo im skul ad Gamaliel, i da gin henunuen io monen ge bern asu damdu ber goru. Io da voaniso Jehova, dege mu masi gorbo eruar. 4Io da gin hingismad su lao ad Jesu, io gin hosi su bihin ma su gamel, io gin daui su le kalabus. 5E ndemani ndurhian, ma su labenen ber gor, dansu leri. Su gin hengen me ndro io pas le ndro su Juda ber gor Damaskus. Io leng hosi su lao ad Jesu ber gor, beg rui su le gor Jerusalem, beg bo gord le ndro su. 6Be io do da le sal, baghege le gor Damaskus, sul mandromai ber lang gin hinganen me ndro io le dogrorang. 7Io gin los le boan, gin hirong ngasen ad homo i da gin loh, gin bai: Saul, Saul, desa uo bo iil me ndro io? 8Io bodeie: Ndorlaben, uo sie? I vong me ndro io: Io Jesu ber Nasaret, uo da bo iil me ndro io. 9Su da baghege ndro io le sal, su gin ilndri sul ogo lie, su de gin hirong ngasen aden, i da gin bai me ndro io, hebsa bui. 10Boen io ndemani i, Ndorlaben, io gob sa malabo? I vong me ndro io: Edne, al dogi le gor Damaskus, su absou le ndro uo, uo ghinen sa. 11Enger sul ogo gin rii begmoro, io de dono lele hebsa bui. Su la born ndro io le sal, su hedi nemo, su dulieni io le gor Damaskus. 12Hom gamel, ngarn Ananias, i da voaniso nongen ad Mose, su Juda masi ber gor Damaskus mugueni i le bern aden, i gin meher ndro io. 13I vong, i bai: Ndere Saul, begmarm na greu lie, malabo io gin ilndri hian monen ge. 14Boen i vong me ndro io: Jehova Ndorlaben asu damdu i ha lengi, uo danem longu masigane, i beg henunuen no, gilndri ndur Jesu ber belengan, bohon i da loh uo malabo. 15Gobharni le ndro su ndramed masi le longu, uo da gin ilndri, ma le nongen, uo da gin hirong i. 16Desa uo da medir ge, edne, su gsurhi uo gle ndran, gelman asu lao ad Jesu, Ndorlaben i esbui longu adem momen giao, be uo ha soling le ndro i le ngarn. 17Be io gin mul le gor Jerusalem, io gina le um ad Jehova, beg lodu. Malabo ndoui gin meher ndro io. 18Io gin lele Jesu, i da vong me ndro io: Al bieni Jerusalem roud, su de somui le nongen adem hebsa bui. 19Io gin bai: Ndorlaben dansu io sie, io da gin daui su lao adem le kalabus, io da gin somui ri, be su gin rii su le numo hernou asu. 20Be ndrai ad lao adem Helian Stevanus gin muh le boan, io da baghege ndro i, io ha mugmug ge, io gin bogulue salo asu, su da gin daii Stevanus. 21I gin vong me ndro io: Edne, io beg rendegien uo le gor hoger manan, le ndro su Haiden. 22Hanu su gin hirong nongen aden, be i gin bosoui nongen ogo su loholo ndoun, su bai: Ndramed ogo i glendi, i daii i, iou mbuere i da le boan le rang si lie. 23Be su da gin loholo dagara, su gin bieni salo asu manden, su hedi doruon, su bieni i le belengan. 24Ndorlaben asu polisboi i boi le ndro su polisboi aden, su gdulieni i le lundieum, su grii i le vusu, i gobharni le ndro su, i da gin hinen sa le ndro su, ndrnesu i da mah manden dagara. 25Su gin hedi Paulus, su gin bieni i le boan, su beg rii Paulus. Paulus i vong le ndro polismaster, i da baghege, i bai: Danmu rii homo asu Rom gle vusu ie? Mu de gin bo gord me ndro io masou. 26Polismaster, be i gin hirong nongen ogo i hilou le ndro ndorlaben, i vong le ndro i: Uo beg hinen sa, ndramed ogo i homo asu Rom. 27Ndorlaben i iao le ndro Paulus, i vong le ndro i: Absou me ndro io, uo homo asu Rom ndangen? I bodeie: Ehe, io ie. 28Ndorlaben i bode: Io gin semani pas asu Rom gle moni mabosanged. Paulus i bodeie: Io ge, io homo asu Rom ber mamemei. 29Su gin rumburdi i, su de gin rii i bui. Ndorlaben, meluan gin ieb, i noh be i gin hirong i, i homo asu Rom, i da gin hosi i. 30I beg hirong, desa su Juda su bo iil le ndro i dagara. Bing si muren, i gin rumburdi nemen ad Paulus le sen, i loh su ndurhian ma su labenen ber gor, su me goure. Boen i dulieni Paulus le ndro su, i da le bormarsu ndremda gord.

Currently Selected:

Apostel 22: LLENT

Highlight

Copy