Johanes III 1
1
Heb nongen le ndro Gaius.
1Io labenen ber lodu, io beani nongen hian le ndro Gaius, goloisden i. Goloisden i ndangen. 2Ndere hian, io ha lengi, uo do da horuan ge le gor adem, mandrm na ge horuan, dege meluam. 3Io ha mugmug manden, be su ndern gin meher, su gin mugueni uo, mugueni asu i ndangen, uo dogi ge monen sidesi. 4Io ha mugmug manden ge be io hirong, su mbunana ordo su ha dogi monen ge le nongen ad Jehova. 5Ndere hian, uo bo hian ge le ndro su ndern, su da meher le um aden dege uo gin hinen i, le ndro su holel lie, uo de danem su bui. 6Su ogo gin boharni golnisden adem le ndro su lao ad Jesu masi. Aga i hian ge, io ha lengi uo osbani su holel, su do da le sal malabo, be su beg dogi le gor manan, aga Jehova i ha lengi. 7Su gin bieni gor asu, su gina le gor manan, le bohernou ngarn aden le ndro su, su de hedi heb longu asu Haiden bugane. 8Aga i monen ge, be iou sobani su gamel ogoro, iou sobani Ndorlaben leri, iou bo mburer aden ge.
9Io gin rendegien heb nongen le ndro su ber lodu, Diotreves i de somui le adu bui, sidesi i ha leng hanu le asu masi. 10Be io gmeher le gor ademu, io ha leng bosoui le ndro mu le longu aden. Sidesi i gogobaini du le nongen aden. I de ha somui hom ndern le um aden bui, i sendraini su ber gor, su ha leng somui le asu. I robuldi su sidesi. 11Ndere hian mbue ndrbon su le sal momen, ha somui le longu hian ge. Ar homo i bo hian, i hom mbunana ad Jehova. Ar homo i bo longu momen, i de danen Jehova bui, de gin ilndri i bugane. 12Homo ndangen. Iou ha mugueni i lie, uo danem mugueni adu i monen ge. 13-14Io ha leng hondre le ndro uo ilndri uo, muren io beg bosoui le ndro uo longu ogo masi. 15Mandri ad Jehova i da ge ndro uo. Su gous adem beani nongen hian le ndro uo. Io beani nongen hian le ndro su gous adem ber gor. Le ndro homo ma le ndro homo.
Currently Selected:
Johanes III 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956