Johanes II 1
1
Nongen le ndro hom labihin ma le ndro su ndurn.
1Io labenen ber lodu, io beani nongen hian le ndro labihin, ma le ndro su ndurn, goloisden su ge ndangen. Io ge bui, su masi dansu Nongen Helian ndangen. 2Nongen ogo i da le bergoldu, i da le molengadu bing si e rang si, sidegesi. 3Golnisden ad Ndorlaben, gahaloseli aden e mandri i da ge ndro du, aga ad Jehova i Damen adu, ma ad Ndurn Jesu Kristo, aga Ndurn ad Damen, aga golnisden aden ge ndangen.
4Io ha mugmug manden, be io gin hirong i, su ndurn su ha dogi monen ge le nongen ber lang, dege su gin hirong i, damen adu gin boharni me ndro du. 5Malabo heb nongen ordo le ndro uo labihin, io ha soling ndro uo longu hendre, aga longu hendre houen bui, io beg hondre le ndro uo, aga longu ber nandugian, sidesi i da ndro du, dege ogoro: Homo golnisden homo. 6Aga golnisden adu le ndro Jehova, be iou ha dogi monen ge le nongen aden. Aga Jehova i ha lengi, mu dogi le bormarn monen ge, dege i ha lengi, dege mu gin hirong i goru. 7Su mabosanged su gin meher le boan, su henunuen su ndramed momen ge, de dansu Jesu bui, su vong Jesu i Mesias adu bugane. Aga bahilou asu, aga nongen aden ge, i da bo iil le ndro Kristo. 8Orgulue Meluamu, debosan longu ademu hian na glos mu da gin bo mburer ri hanu. Heb surien ademu bui, be mu de bogulue i bugane. 9-10Homo ma homo i da hanguruen longu hendre e hendre, i da le nongen ad Kristo bui, i ogo i ad Jehova bugane. Ar nongen ad Kristo i da ndro homo sidesi, Damen ma Ndurn i da ge ndro i. Ar homo i gmeher ndro mu, nongen ogo i da ndro i bui, mbue ha somui le aden, mbue ha vong heb nongen le ndro i. 11Ar homo i ha vong nongen le ndro i, i ha somui le longu aden momen. 12Longu hendre e hendre io beg hondre le ndro mu, io mbuere hondre le paper, io hanguruen, heb eluen bui muren io gmeher ndro mu, io ha bosoui longu ogoro le ndro mu, iou masi mugmug bersi ge. 13Su ndurn ad nderm su beani nongen hian le ndro uo.
Currently Selected:
Johanes II 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
