Korint I 11
11
HEB BERN ASU LAO AD JESU BE SU DA LODU.
1Ha lele io, io da dogi monen, dege io da lele Kristo sidesi le dogi aden. 2Io mugueni hanguruen ademu mu da bai: mu hanguruen nongen ordo masigane, io da gin bosoui me ndro mu. 3Io ha lengi mu hanguruen longu hendre ogo; Ndorlaben ad hom gamel, aga Kristo, Ndorlaben ad bihin, aga gamel, Ndorlaben ad Kristo, aga Jehova. 4Hom gamel i da bo lodu, de i da bohernou, be i nhui borbalen, aga momen. 5Hom bihin, i da lodu, de i da bohernou i nhui borbalen bui, aga momen ge. I da hinen i dege su bihin momen, bihin ber sungsou su hinen i. 6Be hom bihin i de nhui borbalen bui, hian su sindrdi lomon aden giau, danmu i hian; aga i momen ge le ndro hom bihin i da sindrdi lomon, hian i nhui borbalen. 7Mbue hom gamel i nhui borbalen, gamel i sameluan ad Jehova, heb le engerang ad Jehova i da ndro i, bihin i sameluan ad gamel. 8Gamel de gin meher le mandrn ad bihin bui, Jehova gin mengseni bihin le mandrn ad gamel. 9Jehova de gin mengseni hanu bihin bui, i gin mengseni bihin muren beg sobani gamel gleri. 10Io ha lengi, su bihin su nhui borbalsu aga gelman, gamel i ndorlaben aden, aga monen le ndro su Angelo lie.
11I da le hanguruen ad Ndorlaben hom bihin i dege hom gamel, Jehova i da hanguruen sor marmou bersi. 12Bihin gin meher le mandrn ad gamel, ma gamel i da meher le ndrnen ad bihin lie. Aga Jehova i gin hinen i. 13Hanguruen i, i hian de i hian bui, ar hom bihin i lodu le ndro Jehova, be i de nhui borbalen bui. 14De danmu hanguruen i bui, be lomon ad gamel i eluen, aga i momen. 15Be hom bihin lomon aden i eluen, aga i hian le ndro i. Lomon aden eluen i nhui borbalen. 16Be homo i da hanguruen dege io da hanguruen bui, iou ha lengi, i hanguruen aga bern asu lao ad Jesu bui. De dandu bern asu lao ad Jesu bui. De dandu bern dagara bugane.
Heb nongen le gan ad Ndorlaben.
17Malabo io beg bosoui le ndro mu heb nongen le longu hendre. Io de dono mugueni mu bui, gan ad Ndorlaben i da bo hian le ndro mu heb bugane, i da bo momen ge le ndro mu. 18Io gin hirong, be mu da hilou me goure le numo hernou ademu, mu bo iil, su holel hanguruen dege ogoro, su holel hanguruen dege ogoro. Ma io dono, nongen ogo i da gin meher ndro io, aga nongen bahilou bui, 19be longu le iil i da le dogromu, dandu ilndri sie ademu i da monen ge, ma sie i da momen. 20Be mu da me goure le um hom, beg ien gan ad Ndorlaben mu hanguruen momen le bergolmu. 21Homo ma homo i hedi heb gan anen hanu, boen su holel heb gan ansu bui, su mundrul ge, ma su holel su ien, ma su ilmui mabosanged, ndrnesu i beb ge le gan. 22Desa mu de ien gan le um ademu bui, aga logna le bo gous le gan anmu. Desa mu hanguruen momen le su lao ad Jesu dagara, desa mu da hinen i, bombulsu ndern heb memrad asu bui, i mesi, be gan ansu bugane. Io da vong sa le ndro mu malabo? Io bamugueni mu leri? Ndangen io de dono bamugueni mu le longu ogo bui.
23Jehova i gin boharni me ndro du heb nongen ogo, io da gin bosoui le ndro mu: Lobing, be su gin hevani Ndorlaben Jesu, Jesu i hedi suslong, 24i bo lodu leri, i iendri suslong, boen i bai: Aga mondro, su da daui i le ndro mu, iendri le suslong ogo sidesi, be mu hanguruen io. 25Boen, i gin hedi lumiandrunvain be su gin ien gan boen, i vong, i bai: Lumiandrunvain ogo aga gelman le ndrai ordo, ghanguruen io be mu gilmui leri. 26Be mu da ien suslong, be mu da ilmui le ndrunvain, mu boharni ngendian ad Ndorlaben, mabenan i gmeher lie. 27Be homo i da ien le suslong ogo, i da ilmui le lumiandrunvain ad Ndorlaben le bern momen ge, i bo momen le ndro mandrn ma le ad ndrai ad Ndorlaben. 28Homo ma homo i seslaini bergoln, boen i ien le suslong, i ilmui le ndrunvain. 29Be homo i de hanguruen mandrn ad Ndorlaben heb monen bui, i da gien ma i da ilmui gan ogo Helian i bo gord le ndro i. 30Su mabosanged su heb ndoa bui, su mabosanged, iab i da ndro su, su da le molengamu, ma su mabosanged su gin mad. 31Be iou da hanguruen hergoldu monen ge, Ndorlaben i de gdieni du bui. 32Be i rii du, Ndorlaben i beg henunuen du le bern monen, debosan iou glos le moan manden, dege su gor masi bersi ndro su. 33Mu ndere hian be mu la goure, le gan ad Ndorlaben, homo irbelengen homo. 34Ar homo i mundrul i gien gan anen le um aden hanu, debosan mu da hanguruen momen le bergolmu, be mu hilou me goure, debosan gan ad Ndorlaben i gdieni mu. Longu hendre e hendre io beg hinen i gmonen, be iou gmeher ndro mu.
Currently Selected:
Korint I 11: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
