'Olic 146
146
O Pipahmek to Pa'oripay a Kawas
1Haliluya!
'Adingoaw ako, pipahmek kiso to Tapang!
2I tini i nika 'oripho ako i, o papahmek kako to Tapang,
tahatolas no 'orip ako a romadiw a pahmek kako to Kawas ako.
3Aka piti'er kamo to no i hkalay a kakridan,
aka pipaso'lin to mamapohed a tamdaw,
caay ko papakapa'orip cingra i tamowanan.
4Ano mapatay cangra i, minokay i sra,
o mamalahdawto itiya toya romi'ad ko nisahalakaan nangra.
5O mapadamaay no Kawas ni Yakop a tamdaw i, tada o malmeday,
o miti'eray a tamdaw to Tapang a Kawas ningra i, tada o malmeday.
6O nisanga'an no Kawas ko kakarayan ato sra ato riyar ato i laloma'ay nonini a maamaan a ma^min,
mado^do Ningra ko niktonan Ningra a sowal a tahada'oc.
7Mipa'ading Cingra to mo^cel i masamsamay a tamdaw,
paflien Ningra to kakaenen ko macahiway a tamdaw.
Tdalen no Tapang ko mapalitay a tamdaw a mipakonira,
8papipaka'arawen no Tapang ko mata no mapohaway a tamdaw,
padamaen no Tapang a palowad ko masamsamay a tamdaw,
o kaolahan no Tapang ko mo^celay a tamdaw.
9Dipoten no Tapang ko pacarcaray a maro' a roma a finacadan,
padamaen Ningra ko pakoyoc a wawa ato maponengay,
nikawrira, palasawaden Ningra ko nisahalakaan no tatiihay a tamdaw.
10O mamida'oc a malahongti ko Tapang.
Cionaw, o mamida'oc a mikowan ko Kawas namo.
Haliluya!
Currently Selected:
'Olic 146: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
