'Olic 147
147
O Pipahmek to Ci'icelay a Kawas
1Haliluya!
O karomadiw a pahmek to Kawas ita i, o tadanga'ayay.
O tadakalipahakan ko pipahmek i Cingraan, o matatodongay konini.
2O Tapang ko miliyaway a patireng to Yirusalim,
o nisa'opoan Ningra a panokay koya maliwasakay a Israil.
3O mihinomay Cingra to mararomay a tamdaw,
o mitafoay Cingra to doka' nangra.
4O nisa'osian Ningra ko adihay no fo'is,
mahaccay Ningra a mipangangan ko fo'is.
5O tadamaanay, o ci'icelay ko Tapang ita,
caay ko mamalalat ko taneng Ningra.
6Palowaden no Tapang ko tadancaay a tamdaw,
nikawrira, tfaden Ningra ko tatiihay a tamdaw.
7Karomadiw a mikansiya to Tapang,
pidatok a pahmek to Kawas ita.
8Nawhani claken Ningra ko to'em a mitahpo to kakarayan,
tfaden Ningra ko 'orad a misnger to sra,
ta molngaw ko talod i lotolotokan.
9Paflien Ningra to kakaenen ko 'a'adopen,
pakaenen Ningra ko tomangicay a ciwciw no palang.
10Caay ko 'icel no ^fa ko kangalayan Ningra,
caay ko cicodahay a sofitay ko karahkeran Ningra.
11Nikawrira, maolah ko Tapang to mangodoay Cingraan a tamdaw,
maolah Cingra to miti'eray to sini'ada Ningra a tamdaw.
12Yirusalimaw, pipahmek to Tapang!
Cionaw, pipahmek to Kawas iso!
13Cingra ko patanektekay to 'adawang no niyaro' iso,
Cingra ko palmeday to wawa iso.
14O misimaway Cingra to salawacan no kitakit iso a parihaday,
o sanga'ayay a ^mi ko sapafcol Ningra i tisowanan.
15Palimo'ot han Ningra ko hkal i,
tangsol a matnak ko sowal Ningra.
16Tfaden Ningra ko matiyaay o fanoh no siri a kohcal a so^da,
fasfasen Ningra a matiya o 'afo ko malaso^daay a 'o'ol.
17Folsaken Ningra a matiya o si'lac ko masa'ika'ikayay a so^da,
awaay ko pakahadidiay to niiyofan Ningra a pasadak a si^naw.
18Palimo'ot han Ningra i, laso'or saan ko so^da,
iyof han Ningra i, rakat sato ko nanom.
19Paratohen Ningra ci Yakop to sowal Ningra,
paratohen Ningra ko Israil to sifana' ato rikec Ningra.
20Nikawrira, caay pihaen Cingra to romaroma a kitakit,
saka, caay ka fana' cangra to rikec Ningra.
Haliluya!
Currently Selected:
'Olic 147: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
