'Olic 136
136
O Sapikansiya a Radiw
1Mikansiya kita to Tapang, nawhani o nga'ayay Cingra,
o mida'ocay ko sini'ada Ningra.
2Mikansiya kita to Kawas no kawakawas,
nawhani o mida'ocay ko sini'ada Ningra.
3Mikansiya kita to Tapang no tapatapang,
nawhani o mida'ocay ko sini'ada Ningra.
4Dengan Cingra ko midmakay to kafahka'an,
nawhani o mida'ocay ko sini'ada Ningra.
5Pakaynien Ningra i taneng Ningra ko pisanga' to kakarayan,
nawhani o mida'ocay ko sini'ada Ningra.
6Claken Ningra ko sra i fafaed no talolongay a nanom,
nawhani o mida'ocay ko sini'ada Ningra.
7O nisanga'an Ningra ko cidal ato folad,
nawhani o mida'ocay ko sini'ada Ningra.
8Papikowanen Ningra ko cidal to romi'ad,
nawhani o mida'ocay ko sini'ada Ningra.
9Papikowanen Ningra ko folad ato fo'is to dadaya,
nawhani o mida'ocay ko sini'ada Ningra.
10Patayen Ningra ko fisac a wawa no Icip a tamdaw,
nawhani o mida'ocay ko sini'ada Ningra.
11Kriden Ningra ko finawlan no Israil a pasadak nai Icip,
nawhani o mida'ocay ko sini'ada Ningra.
12O ci'icelay a kamay ato patlaw Ningra ko sapikrid Ningra,
nawhani o mida'ocay ko sini'ada Ningra.
13Palicinowasen Ningra ko Kahngangay hananay a riyar,
nawhani o mida'ocay ko sini'ada Ningra.
14Kriden Ningra ko finawlan no Israil a pakayra a romakat,
nawhani o mida'ocay ko sini'ada Ningra.
15'Alolen Ningra ko hongti no Icip ato sofitay ningra i Kahngangay hananay a riyar,
nawhani o mida'ocay ko sini'ada Ningra.
16Kriden Ningra ko finawlan Ningra a romakat i kohkohan,
nawhani o mida'ocay ko sini'ada Ningra.
17Patayen Ningra ko ci'icelay a hongtingti,
nawhani o mida'ocay ko sini'ada Ningra.
18Patayen Ningra ko cinganganay a hongtingti,
nawhani o mida'ocay ko sini'ada Ningra.
19Patayen Ningra ci Sihon a hongti no Amori,
nawhani o mida'ocay ko sini'ada Ningra.
20Patayen Ningra ci Ok a hongti no Pasan,
nawhani o mida'ocay ko sini'ada Ningra.
21Paflien Ningra ko sra no tao i finawlan Ningra,
nawhani o mida'ocay ko sini'ada Ningra.
22Paflien Ningra tonini a sra ko matayalay Ningra a Israil,
nawhani o mida'ocay ko sini'ada Ningra.
23Yo matfad kita i, caay pifalah Cingra i titaanan,
nawhani o mida'ocay ko sini'ada Ningra.
24Pa'oripen Ningra kita a paliyas nai 'ada ita,
nawhani o mida'ocay ko sini'ada Ningra.
25Paflien Ningra ko pina'orip ato tamdaw to kakaenen,
nawhani o mida'ocay ko sini'ada Ningra.
26Mikansiya kita to Kawas i kakarayan,
nawhani o mida'ocay ko sini'ada Ningra.
Currently Selected:
'Olic 136: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
