'Olic 137
137
O 'ilol no Israil to Cion yo Maliwasak
1Maro' kami i lawac no 'alo no Papilon,
maharateng niyam ko Cion i, caayto ka 'met ko tangic niyam.
2Ca'iten niyam ko datok niyam i salofal a kilang i tatihi no 'alo.
3Karomadiw saan koya mipalitay i tamiyanan,
palipahaken kami saan koya mipakarorayay i tamiyanan.
Sowal sa cangra, <<Dada, karomadiw to saki tamiyanan to radiw no Cion!>> saan cangra.
4I tini kita i roma a kitakit i,
maanen ita ko nika romadiw to sapahmek to Tapang a radiw saw?
5Yirusalimaw, ano matawalay ako kiso i,
mamana mapiking ko kamay ako ta caayto ka nga'ay a midatok!
6Ano caayto ka harateng ako kiso o Yirusalim,
ano caay ko Yirusalim ko sakakaay a kalipahakan ako i,
mamana 'ifcang ko sma ako ta caayto ka nga'ay a romadiw!
7 Tapangaw, nanay maharateng Iso koya miforiforay a dmak no Itom a tamdaw yo mipleng to Yirusalim,
sowal sa cangra, <<Tastasen! Tastasen! Haloparanaan a parayasen!>> saan cangra.
8Papilonaw, o mamatkop kiso!
O mico'ayay a tamdaw to pikari'ang iso i tamiyanan i,
tada o malmeday cingra!
9O mirpetay to wawa iso a mifahkol i fokloh i,
tada o malmeday cingra!
Currently Selected:
'Olic 137: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
